Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

31 դեկ 2016 12:35

Տեր Բաբկեն քահանան Ամանորի, Սուրբ Ծննդյան տոնի, Ձմեռ պապիկի, տոնածառի և այլ խորհուրդների մասին. Հարցազրույց (տեսանյութ)

Ամանորի և Սուրբ Ծննդյան տոնի խորհրդի, Ձմեռ պապիկի ու տոնածառի նշանակության և այլ խորհրդանշող հարցերի շուրջ Hayacq.com-ի հարցազրույցը  ԱՀԹ Արաբկիր համայնքի հոգևոր հովիվ Տեր Բաբկեն քահանա Հայրապետյանի հետ:
 
-Տեր հայր, խոսենք  Ամանորի և Սուրբ Ծննդյան տոնի խորհրդի մասին:
-Պետք է սկսել նրանից, որ հինը ավարտվում է և նորն է գալիս: Կարևորը Սուրբ  Ծննդյան խորհուրդն է՝ երկար տարիներ մարդկությունը սպասել է, որ այն իրականություն դառնա: Հիսուսը ծնվեց գոմում՝ մսուրքում, սա նշանակում է աստված աղքատացավ, որ մեզ հարստացնի: Նա չեկավ, որ իրեն ծառայեն, այլ եկավ, որ ինքը ծառայի և տվեց իր ամենամեծ պատվիրանը՝ սիրեցեք մեկդ մյուսին: Ամանորի, Սուրբ Ծննդյան ամբողջ կամարը պետք է լինի տիրոջ պատվիրանը. «Սիրեցեք զմիմյանս»: Եթե սեղանները դնում ենք որպես պարտականություն, որպես ցուցամոլություն, այն ոչինչ չարժի՝ դատապարտելի է, ինչ որ ունես արա այդ, բայց սիրով: Ամանորի ոգին հույսի հավատի և սիրո տարածումն է:

-Աշխարհի շատ երկրներում Սուրբ Ծնունդը նշվում է դեկտեմբերի 25-ին, իսկ Հայ Առաքելական եկեղեցին նշում է հունվարի 6-ին: Ինչո՞վ է սա պայմանավորված:
-Մինչև 4-5-րդ դարերը քանի դեռ չէր բաժանվել եկեղեցիները,  ընդհանուր եկեղեցին էլ էր նշում առաքելական կանոնների համաձայն՝ Սուրբ Ծնունդը և Աստվածահայտնությունը՝ Մկրտությունը տոնում էին հունվարի 6-ին:  Առաքելական կանոնների համաձայն տերը ծնվել է հունվարի 6-ին, բայց քանի որ դեկտեմբերի 25-ը ձմեռային արևադարձն է,  երբ օրը, լույսը սկսում է երկարել  և քանի որ Հռոմեական Կայսրությունում կար արևի պաշտանմունքի՝ Միթրայի տոնը և չէին կարողանում այդ հեթանոսկան պաշտանմունքից, խրախճանքներից ազատվել դրա համար որոշվեց, որ եկել է արդարության  արեգակը՝ Հիսուս Քրիստոսը և իրենց մոտ Սուրբ ծնունդը տեղափոխվեց դեկտեմբերի 25-ին, սակայն Մկրտությունը մնաց հունվարի 6-ին: Մեր եկեղեցին մնաց հին, ճշմարիտ ակունքների մեջ: Հունվարի 6-ին, անմիջապես պատարագից հետո, ջրօրհնեքի արարողություն է լինում, այսինքն տիրոջ մկրտությունը Հորդանանում: Հունվարի 5-ի ճրագալույսի պատարագը խորհրդանշում է Բեթլեհեմի աստղը, որը ազդարարում է Քրիստոսի ծնունդը: Տարվա մեջ կա երկու ճրագալույսի պատարագ՝ մեկը Սուրբ Ծննդյան, մյուսը Սուրբ Հարության:

-Ե՞րբ պետք է այցելել ննջեցյալներին: Արդյոք ճիշտ է Ամանորի գիշերը այցելել գերեզմաններ:
-Սուրբ Ծնունդն ազդարարում է հինգ տաղավար տոներից առաջինը, այսինքն ամենամեծ տոնն է, փրկության աղբյուրը,  ուրախությունը:  Հունվարի 7-ին, որը անշարժ օր է եկեղեցին սահմանել է, որ բոլոր եկեղեցիներում պատարագ մատուցվի, որից հետո հոգեհանգստյան կարգ կկատարվի  և դրանից հետո նոր ժողովուրդը կգնա ննջեցյալների շիրիմներին այցելության, աղոթելու:
Մանրամասները Hayacq.com-ի տեսանյութում

Մեկնաբանություններ


Համընկնող լուրեր