Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

26 ապր 2016 14:15

Պատերազմի ծանր օրերին ԱԳ նախարարի ձայնը լսելի չէր. Ն. Գալստյան

Ապրիլի 26-ին Հայացք մամուլի ակումբում ՍԴՀԿ Հայաստանի վարչության ատենապետ  Նարեկ Գալստյանը համոզմունք  հայտնեց, որ, Ադրբեջանը շարունակելու է սադրանքները, իսկ դրանք կանխելու համար ժամանակն է, որ ԼՂՀ ճանաչման հարցը ԱԺ օրակարգ  մտնի: «Մենք դեմ ենք խաղաղապահների տեղակայմանը ԼՂՀ սահմաններում, այդ ուժերը երբեք անվտանգության երաշխիք չեն կարող լինել»:

Ըստ նրա, Մադրիդյան սկզբունքներով Արցախի կարգավիճակի հստակեցման հարց գոյություն չունի. «Ըստ այդ սկզբունքների, տարածքներ ենք զիջում, որից հետո՝  հետագայում լինում է հանրաքվե: Իսկ այդ հանրաքվեին ովքե՞ր են մասնակցելու, ի՞նչ կարգավիճակով է լինելու կամ ի՞նչ հանրաքվեի մասին է խոսքը, եթե արդեն զիջումների ես գնում, անընկալելի է»:  Նարեկ Գալստյանի խոսքով, քառօրյա պատերազմի ժամանակ Հայաստանի ԱԳՆ-ի անգործությունը շեշտակի նկատելի էր. «Մեր երկրի քաղաքացիներն իրավունք ունեն տեղյակ լինել թե ինչով է զբաղված ԱԳ նախարարը: Մանավանդ պատերազմի ծանր օրերին ԱԳ նախարարի ձայնը լսելի չէր, Էդվարդ Նալբանդյանը պատերազմական երկրի համար իր տեղում չէ, գուցե խաղաղ, զարգացող երկրների համար կարող էր լինել հրաշալի արտաքին գործերի նախարար»: 


Մեկնաբանություններ


Համընկնող լուրեր