Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

19 հուլ 2016 01:15

Սեֆիլյան-Սարգսյան բանակցություները պիտի ընդլայնվեն իշխանություն-հանրություն երկխոսության

Հայկ Բալանյանը ֆեյսբուքյան իր էջում գրում է.
1.Եթե իշխանությունը մոռանա, որ երկիրը պատերզմի եզրին է ու դիմի գրոհի, ապա այդ մսաղացը վատագույնս ազդելու է ինչպես երկրի պաշտպանության, այնպես էլ առանց այդ էլ ծանր արտաքին քաղաքական վիճակի վրա, իսկ ապրիլյան մարտական կամավորական ոգին ու Ղարաբաղի վերաբերյալ ազգային կոնսենսուսը ուժեղ հարված կստանա:
2.Այն, որ արյունահեղություն չկա, արդեն իսկ Հայաստանի մեծ արտաքին քաղաքական նվաճումն է: Ընդամենը պետք է օգտագործել այս իրավիճակը ներքին փոփոխությունների համար, և ոչ թե մսխել այնպես, ինչպես մսխվեց ապրիլյան մարտերի առիթը ու քարտ-բլանշը, որ ավանսով տրվել էր իշխանություններին:
3..Այն երկրները, որոնք Հայաստանից զիջումներ են պահանջում ու ուզում են տեսնել թույլ Հայաստան՝ նման զարգացումից շատ գոհ կլինեն: Ուստի մտավոր հետամնաց, խուլիգան, հայհոյող, սադրիչ, ամեն գնով ուսադիրներին աստղ մուրացող ոստիկաններին պետք է ժողովդրից հեռու պահել:
4. Գնդապետ Արթուր Վանյանը հերոս է, որը կատարում էր իր ծառայողական պարտքը և հավատարիմ մնաց իր երդմանը: Հանրության մեջ այլ ընկալման մեջ մեղավոր են կենդանի ոստիկանները, որոնք անում են ամեն ինչ, որ իրենց ատեն: Ատելությամբ մարդկանց դժգոհությունը չեն ցրում:
5. Իշխանությունը գրոհել չի ուզում որովհետև արյունից վախենում է, ժողովրդի հետ խոսել չի կարող՝ կադրերի բացառիկ տուպոյության պատճառով ու թաքնվել է ոստիկանների մեջքի հետևը, որոնք էլ կհայտարարվեն մեղավոր:
Ինչքան երկար ու բարակ մտածի Ս.Սարգսյանը, այնքան ավելի դժվար է լինելու հետագայում:
6. Կարելի է և պետք է այս իրավիճակից հաղթած դուրս գալ: Եվ խոսքը երկրի մասին է: Առանձին՝ վայ-ղեկավարությունը ու ժողովուրդը շահել չեն կարող, առանձին-առանձին միայն կարող են պարտվել: Այդպես է ստացվել: Առանց իշխանական ու ընդիմադիր ռոմանտիզմի:
7. Ապստամբների հիմնավորումների մեջ կար Ղարաբաղի հարցը: Այդ հարցից էլ փոփոխություները պետք է սկսել և ավարտել ներքաղաքական փոփոխություններով: Այլ կերպ՝ նոր արյունահեղությամբ գնալ նոր, սպասվող հայ-ադրբեջանական սրացմանը ընդառաջ՝ կարող է շատ թանկ նստել:
8.Սեֆիլյան-Սարգսյան բանակցություները պիտի ընդլայնվեն իշխանություն-հանրություն երկխոսության, կամ էլ նոր արյուն կարող է լինել:
Ընտրությունը Ս.Սարգսյանինն է:

Մեկնաբանություններ


Համընկնող լուրեր