21:47 - Բակո Սահակյանն ի՞նչ հարցեր է քննարկել «Իմ քայլի» պատգամավորների հետ. Տեսանյութ         18:55 - Քոչարյանի և մյուսների գործով վարույթը կասեցվել և ուղարկվել է ՍԴ      17:24 - Հայաստանը թալանած բոլոր անձինք թող գնան, նստեն. վարչապետի ուղիղ եթերից հետո գյումրեցիները բացեցին դատարանի մուտքը    

14 դեկ 2016 15:47

Քրեական գործ՝ կալանավորին ծանր մարմնական վնաս պատճառելու դեպքով

ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում հարուցվել է քրեական գործ՝ «Նուբարաշեն» ՔԿՀ-ում տեղի ունեցած միջադեպի առթիվ:
2016թ. դեկտեմբերի 13-ին՝ժամը 17:50-ին, «Էրեբունի» ԲԿ-ից ահազանգ է ստացվել առ այն, որ կրծքավանդակի ձախ կեսի ծակած կտրած թափանցող վերք՝ թոքի վնասումով ԲԿ է տեղափոխվել «Նուբարաշեն» ՔԿՀ-ի կալանավոր Ա.Ավետիսյանը։
Նախնական քննության տվյալներով՝ 2016թ. դեկտեմբերի 13-ին՝ ժամը 14:45-ի սահմաններում, քրեակատարողական հիմնարկի խցերից մեկում կալանավորների միջև տեղի է ունեցել վիճաբանություն, որի  ընթացքում նրանցից մեկը սուր ծակող առարկայով հարվածներ է հասցրել մեկ այլ կալանավորի մարմնի տարբեր մասերին՝ վերջինիս պատճառելով մարմնական վնասվածքներ:
Դեպքի առթիվ ՀՀ ՔԿ Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով, Ա.Ավետիսյանը ճանաչվել է տուժող։
Կատարվել է դեպքի վայրի զննություն, հարցաքննվել են մի շարք վկաներ:
Նախաքննությունը շարունակվում է, ձեռնարկվում են անհետաձգելի քննչական գործողություններ՝ դեպքի բոլոր հանգամանքները պարզելու, ինչպես նաև՝ բազմակողմանի, օբյեկտիվ և լրիվ քննությունն ապահովելու ուղղությամբ:
 


Մեկնաբանություններ

Համընկնող լուրեր