12:43 - Այսուհետ ոստիկանությունում հարցաքննությունները կտեսաձայնագրվեն՝ հարցաքննվողին զերծ պահելով խոշտանգումներից         12:38 - Իտալական «ճառօրյայում» Փաշինյանն իր անվերահսկելի ձևակերպումներով հասցրեց իր դեմ լարել գիտնականներին և լևոնականներին      12:37 - #Կոֆե_եմ_խմում. գիտնականների հումորով ու սարկազմով պատասխանը Փաշինյանին    

21 դեկ 2016 18:00

Արփինե Հովհաննիսյանն ընդունել է ՀՀ-ում Բուլղարիայի նորանշանակ դեսպանին

ՀՀ արդարադատության նախարար Արփինե Հովհաննիսյանը դեկտեմբերի 21-ին ընդունել է Հայաստանում Բուլղարիայի Հանրապետության նորանշանակ արտակարգ և լիազոր դեսպան Մարիա Պավլովա Ցոցորկովա-Կայմակտչիևային:
Շնորհավորելով դեսպանին պաշտոնը ստանձնելու կապակցությամբ` Արփինե Հովհաննիսյանը հաջողություն է մաղթել նրան դիվանագիտական առաքելության իրականացման գործում:
Արդարադատության նախարարը բարձր է գնահատել երկու երկրների միջև ներկայիս համագործակցությունը, ընդգծել, որ այն խորացնելու մեծ ներուժ կա և դեսպանի հետ քննարկել երկուստեք հետաքրքրություն ներկայացնող մի շարք հարցեր:
Շնորհակալություն հայտնելով ջերմ ընդունելության համար` դեսպան Մարիա Պավլովա Ցոցորկովա-Կայմակտչիևան բարձր է գնահատել Հայաստանի և Բուլղարիայի միջև առկա բազմակողմ համագործակցությունը և դրա շարունակականության հույս հայտնել:
Հանդիպման ավարտին կողմերն ընդգծել են փորձի փոխանակման ու արդյունավետ համագործակցության անհրաժեշտությունը և քննարկել փոխայցեր կազմակերպելու հնարավորությունները:

Մեկնաբանություններ

Համընկնող լուրեր