19:30 - Աստծո առջև չենք կանգնելու ուտելու կամ խմելու համար, Աստված նայելու է մեր սրտերին. Տեսանյութ         19:00 - Մոմավառություն հանուն համերաշխ ընտրապայքարի. Տեսանյութ      18:14 - Սա նաև իշխանության վստահության հանրաքվե է. Տեսանյութ    

29 դեկ 2016 13:03

Վրաստանը և «Գազպրոմ»-ը չեն կարողացել պայմանավորվել Հայաստան ռուսական գազի տարանցման վճարման շուրջ

Վրաստանը և ռուսական «Գազպրոմ» ընկերությունն այս տարի չեն կարողանա պայմանավորվել Հայաստան ռուսական գազի տարանցիկ մատակարարումների վճարման հարցում 2017 թվականի համագործակցության վերաբերյալ: Այդ մասին հայտնում է Business Грузия-ն՝ վկայակոչելով Վրաստանի հանրային հեռուստատեսությանը:
Բանակցությունների երկրորդ փուլը, ինչպես և առաջինը, ապարդյուն է անցել, քանի որ կողմերն այդպես էլ չեն կարողացել գալ փոխզիջման՝ չնայած նրան, որ տարանցման գործող պայմանագրի ժամկետը լրանում է դեկտեմբերի 31-ին:
Վրաստանի էներգետիկայի նախարար Կախա Կալաձեն հայտարարել է, որ բանակցությունները կշարունակվեն: Նրա խոսքով՝ Թբիլիսիի դիրքորոշումն անփոփոխ է. Ռուսաստանը, չնայած և ցանկանում է Վրաստանի տարածքով տարանցման համար գումարով վճարել, բայց վրացական կողմը ցանկանում է պահպանել վճարման նախկին ձևը՝ ստանալով Հայաստան ուղարկվող ռուսական «կապույտ վառելիքի» ընդհանուր ծավալի 10 տոկոսը:
Բանակցություններն անցկացվում են Վիեննայում, հերթական փուլի անցկացման ամսաթվերը դեռ հայտնի չեն:


Մեկնաբանություններ

Համընկնող լուրեր