20:35 - Տեսանյութ. Փակել Աստծո դուռը եկած զորակոչիկի ճանապարհը, երբ բաց են կազինոները` ողբերգություն է         17:00 - Covid-ով մինչեւ այս համավարակը Հայաստանում նույնպես որեւէ մեկը չի զբաղվել․ Մակունցը՝ Ֆրանսիայից ժամանած բժիշկների մասին      16:35 - Կորոնավիրուսի պատվաստանյութը նման չի լինի կարմրուկի դեմ պատվաստանյութի էֆեկտին, որն իմունիտետ է ապահովում ամբողջ կյանքում    

11 հուն 2017 16:00

Եվրոպայի անվտանգությունը սկսվում է Թուրքիայից, այսօր մեզ մոտ, վաղը` ձեզ մոտ. Թուրքիայի վարչապետ

Թուրքիայի վարչապետ Բինալի Յըլդըրըմը եվրոպական երկրներին մեղադրել է սիրիական ճգնաժամի և սիրիացի փախստականների հարցում բավականաչափ սրտացավ վերաբերմունք չդրսևորելու համար և նշել, որ Եվրոպայի անվտանգությունը սկսվում է Թուրքիայից: Այս մասին հայտնում է թուրքական «ՀաբերԹյուրք» կայքը։
«Եվրոպայի անվտանգությունը Թուրքիայից է սկսվում: Եթե Թուրքիան անվտանգ չլինի` Եվրոպան ոչ մի դեպքում անվտանգ չի լինի: Մեզ մոտ մի բան է տեղի ունենում, հաջորդ օրը Եվրոպայում, ԱՄՆ-ում է տեղի ունենում: Ահաբեկչության դեմ անվտանգ երկիր չկա: Այսօր մեզ մոտ, վաղը` ձեզ մոտ»,- ասել է Յըլդըրըմը: 
Թուրք պաշտոնյան նաև հայտարարել է, որ Արևմուտքը ձևացնելով, թե պայքարում է Մերձավոր Արևելքում ահաբեկչության դեմ, իրականում ոչ մի լուրջ քայլ չի անում: 
«Այս տարածաշրջանի փրկության համար լուրջ պայքար միայն Թուրքիան է մղում», - հայտարարել է Յըլդըրըմը:
Հիշեցնենք, որ թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք՝ իրենց իսկ խոսքով՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակում: Թուրքական ԶՈւ-ին աջակցում են նաև «Սիրիական ազատ բանակ» ընդդիմադիր խմբավորումն ու կոալիցիոն ուժերը՝ օդային հարվածների միջոցով: Թուրքական ԶՈՒ-ն պայքարում է նաև Սիրիայի հյուսիսում գործող քրդական ազգային խմբավորումների դեմ։

Մեկնաբանություններ

Համընկնող լուրեր