17:18 - Տեսանյութ. Մալախովն իր կնոջ հետ լոգարանում ամբողջովին մերկ տեսանյութով պատասխանել է Քսենիա Սոբչակին         17:00 - Հանգուցյալ բժշկի տանը հայտնաբերվել են չծնված 2200 երեխաների մնացորդներ      16:24 - Ես վերադառնում եմ, որովհետև տեսնում եմ, թե երբեմն որքան անխնա եմ վարվում իմ թողած ժառանգության հետ. Հովհաննես Ազոյան    

20 հուն 2017 20:30

Կնոջը հրապարակից բերման ենթարկող ոստիկանների նկատմամբ քրեական գործ է հարուցվել

ՀՀ քննչական կոմիտեի Երևան քաղաքի Էրեբունի և Նուբարաշեն վարչական շրջանների քննչական բաժնում քննվող քրեական գործով ձեռնարկված քննչական գործողությունների արդյունքում փաստական տվյալներ են ձեռք բերվել՝ Հանրապետության հրապարակից բնակչուհուն բերման ենթարկելու ժամանակ ոստիկանության աշխատակիցների կողմից պաշտոնեական լիազորություններն անցնելու վերաբերյալ:
ՀՀ մարդու իրավունքների պաշտպանից գրություն է ստացվել առ այն, որ բնակչուհի Ա.Առաքելյանը «Նուբարաշեն» հոգեբուժական կլինիկայում ծեծի է ենթարկվել, ապա նաև Ա.Առաքելյանը հաղորդում է տվել, որ  մայիսի 17-ին «Նուբարաշեն» հոգեբուժական կլինիկայում մի խումբ աշխատակիցներ իրեն կապել են մահճակալին ու ծեծի ենթարկել:
Հաշվի առնելով, որ հաղորդումն առերևույթ պարունակում է հանցագործության հատկանիշներ՝ դեպքի առթիվ ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 118-րդ հոդվածով և ձեռնարկվել անհրաժեշտ քննչական գործողություններ դեպքի բոլոր հանգամանքները պարզելու ուղղությամբ:
Հարցաքննվել են բազմաթիվ անձինք, նրանց թվում՝ նշված կլինիկայի աշխատակիցներ, կատարվել դատավարական այլ գործողություններ, որոնց արդյունքում հաղորդման մեջ մատնանշված հանգամանքը հիմնավորող ապացույցներ ձեռք չեն բերվել։
Քրեական գործով էական նշանակություն ունեցող հանգամանքներ պարզելու  համար նշանակվել է դատաբժշկական փորձաքննություն, սակայն Ա.Առաքելյանը չի ներկայացել փորձագետներին, չի մասնակցել նաև կլինիկայի աշխատակիցների հետ առերես հարցաքննություններին, ովքեր հերքել էին բռնություն կիրառելու հանգամանքը։
Նախաքննության ընթացքում տուժողը հայտնել է, որ  2016թ. մայիսի 17-ին Հանրապետության հրապարակի շատրվանների մեջ մտնելուց հետո ոստիկանության աշխատակիցների կողմից  բերման է ենթարկվել՝ նշելով նրանց կողմից պաշտոնեական լիազորություններն անցնելու մասին։
Նկատի ունենալով, որ տուժողի հայտնած հանգամանքներն առերևույթ պարունակում են հանցագործության հատկանիշներ՝ ՀՀ ՔԿ Էրեբունի և Նուբարաշեն վարչական շրջանների քննչական բաժնում հարուցվել է նոր քրեական գործ՝ ՀՀ քրեական օրենսգրքի 309-րդ հոդվածի 2-րդ մասով և այն ուղարկվել դատախազություն՝ ըստ քննչական ենթակայության ուղարկելու համար։


Մեկնաբանություններ

Համընկնող լուրեր