17:00 - Սինգապուրն իր պատմության մեջ դենգե տենդի խոշոր բռնկում է ակնկալում         16:40 - ՊԵԿ քննչական վարչության պետի տեղակալը վարակվել է կորոնավիրուսով. Քննչական հրավիրվող քաղաքացիներն անհանգստացած են      16:14 - Հայ գիտնականների ստեղծած «Բիօքսիլ 2»-ը կարող է հաջողությամբ օգտագործվել COVID-19-ի դեմ պայքարում    

25 հուն 2017 18:23

Փաթեթիկներով թեյերը խիստ վնասակար են մարդկանց առողջության համար

Գերմանացի գիտնականները հայտնաբերել են, որ փաթեթիկներով սև թեյը պարունակում է մարդկանց առողջության համար վնասակար նյութեր, գրում է «Ռոսիյսկայա գազետան» («Российская газета»): Նրանք անալիզի են ենթարկել թեյի երեք էժանագին և երեք թանկարժեք տեսակ: Պարզվել է, որ գրեթե բոլոր թեյերը պարունակում են առնվազն երեք տեսակի թունաքիմիկատ, իսկ թեյերից մեկում նույնիսկ հայտնաբերվել է այդ վնասակար նյութերի տաս տեսակ՝ չնայած, որ դրանց չափաբաժինը չի գերազանցել թույլատրելի նորմայի սահմանը: Բացի այդ, անալիզի ենթարկված թեյի վեց տեսակից հինգում փորձագետները անտրախինոն են հայտնաբերել, որը համարվում է վտանգավոր քաղցկեղածին նյութ և արգելված է ԵՄ-ում: Ի դեպ՝ թեյի վնասի մասին ավելի վաղ խոսել են նաև բրիտանացի գիտնականները: Գլազգոյի համալսարանի գիտնականները հայտարարել են, որ մեծ քանակությամբ թեյ օգտագործելը բացասաբար է ազդում տղամարդկանց առողջության վրա՝ առաջացնելով շագանակագեղձի քաղցկեղ:
Գիտնականները նման եզրահանգման են եկել 21-75 տարեկան 6000 տղամարդու բժշկական տվյալներն անալիզի ենթարկելուց հետո: Պարզվել է, որ թեյի գործածությունը չարաշահող կամավորների մեծ մասը տառապում է շագանակագեղձի բորբոքումով, իսկ առանձին դեպքերում նույնիսկ շագանակագեղձի քաղցկեղ է ախտորոշվել: Փորձագետների հաշվարկներով՝ օրական ավելի քան 7 բաժակ թեյ խմելը բարձրացնում է շագանակագեղձի քաղցկեղի առաջացման վտանգը գրեթե 50%-ով: Բացի այդ, պարզվել է, որ թեյն առաջացնում է ոչ միայն քաղցկեղ, այլ նաև երիկամների և աղեստամոքսային համակարգի աշխատանքի խանգարումներ:


Մեկնաբանություններ

Համընկնող լուրեր