17:12 - Տեսանյութ. Չվճարված հարկերի և աշխատավարձերի բեռը ոչ թե Նազիկ Ամիրյանն է ավելացրել, այլ այդ վիճակով գործարանը վաճառվել է նրան         15:27 - Սերգեյ Լավրովն այցելել է Հայոց Ցեղասպանության հուշահամալիր      14:00 - «1000 դրամների հիմնադրամի» միջոցները կբավարարե՞ն 3-րդ կարգի հաշմանդամ զինվորների փոխհատուցման համար    

14 հուն 2016 15:00

«Ջավախքի գարուն» 8-րդ ՓԱՌԱՏՈՆ

Ջավախքի մշակութային կյանքում արդեն 8-րդ տարին է, ինչ անընդմեջ կազմակերպվում է ազգային երգի ու պարի մրցույթ- փառատոն: Փառատոնի նախաձեռնողն ու կազմակերպիչն է Աշուղ Ալիք Ջավախքին: Առաջին տարիների փառատոններին մասնակցում էին քիչ թվով պարային խմբեր և երգերի անհատ կատարողներ: Ընդ որում պարում էին նաև ոչ հայկական պարեղանակների ներքո: Տարեց տարի գերակշռեցին հայկական ազգային պարերի ու երգերի կատարումները,և այս տարի արդեն կատարումները միայն հայկական ազգային պարերն ու աշուղական,ժողովրդական երգերն էին: 
Այս տարվա փառատոնի առաջին փուլին մասնակցած 132 պարային խմբերից և երգերի անհատ կատարողներից եզրափակիչ փուլ անցան 57-ը: 
Ախալքալաքի Կրթամշակութային Երիտասարդական Կենտրոնի «Հայք» պարախմբի Ազգային պարերի շարանը ( պարուսույց Յուրա Յայլոյան) ժյուրիի կողմից գնահատվեց առավելագույնս և եղավ առաջին տեղը գրաված երկու պարախմբերից մեկը: «Հայք» պարախումբը արժանացավ մեդալի, առաջին կարգի դիպլոմի և հուշանվերի: 
Ախալքալաքի ԵԿ-ում պարախումբը գործում է Կենտրոնի բացման օրից( 2007թ.) :Նրանց ծրագրում միայն ազգային,ժողվրդական պարեր են; Պարի խմբակի սաները պարել են 6-7 տարեկանից և արդեն կայացած խումբը հիացնում է հնդիսատեսին իր կիրթ ու ազգային պարարվեստով: Խումբը ելույթներ է ունեցել ինչպես Ջավախքի գյուղերում,այնպես նաև Ախալցխայում և Բաթումում: 
Այսօր Կենտրոնի մեծերի և փոքրերի պարի խմբերում պարողների թիվը հասնում է վեց տասնյակի: 
Նյութի աղբյուր՝ akhaltskha.net


Մեկնաբանություններ

Համընկնող լուրեր