17:20 - Կոտայքի մարզում տաք հետքերով հայտնաբերել են զինված ու դիմակավորված ավազակային հարձակում կատարողներին         16:39 - Մկնդեղով, կադմիումով և դիօքսիններով աղտոտվածությունը՝ Ալավերդիում և Ախթալայում. ԷկոԼուր      16:15 - Ֆրանսիայում պղծել են Հայոց ցեղասպանության զոհերի հիշատակին կանգնեցված խաչքարը    

20 մար 2017 13:55

Ինչո՞ւ է Սերժ Սարգսյանին ձեռնտու «Ծառուկյան» դաշինքի մասնակցությունն ընտրություններին.Փաշինյան

2015-ին Սերժ Սարգսյանն ուներ լծակներ Գագիկ Ծառուկյանին արգելելու զբաղվել քաղաքականությամբ, իսկ ինչո՞ւ 2016-ի վերջին կամ 2017-ին նա չունի այդ լծակները, որ արգելի Ծառուկյանին զբաղվել քաղաքականությամբ: Այս մասին, Facebook-ում օնլայն ռեժիմով հարցուպատասխանի ժամանակ հայտարարել է «Ելք» դաշինքի ցուցակում երկրորդ հորիզոնականը զբաղեցնող, ԱԺ պատգամավոր Նիկոլ Փաշինյանը՝ անդրադառնալով Գագիկ Ծառուկյանի՝ ընտրություններին մասնակցելու դրդապատճառներին:
«Այս ընթացքում Սերժ Սարգսյանի լծակները ոչնչով չեն նվազել, անգամ ավելացել են: Հետեւաբար ինչո՞ւ նա այս անգամ չի գործադրել այդ լծակները: Կարծում եմ՝ կարող է լինել տպավորություն, որ դա արվել է, որ «Ծառուկյան» դաշինքը հնարավորինս շատ ընդդիմադիր ձայներ քաշի դեպի իրեն: Ինչո՞ւ դա կարող է ձեռնտու լինել Սերժ Սարգսյանին: Նշանակում է, նա համոզված է, որ ունի բավարար լծակներ կրկին անհրաժեշտության դեպքում Գագիկ Ծառուկյանին արգելել ու քաղաքականությամբ զբաղվել»,-ասաց նա:
Փաշինյանը նաեւ որոշակի կանխատեսում արեց. «Իմ կանխատեսումն այն է, որ շատ մեծ է հավանականությունը, որ «Ծառուկյան» դաշինքը կոալիցիա կձեւավորի ԱԺ-ում: Սերժ Սարգսյանն ունի երկու տարբերակ, կամ «Ծառուկյան» դաշինքը մտնում է կոալիցիա, կամ եթե չի մտնում, ուրեմն կան լծակներ կրկնելու 2015-ի զարգացումների մի մասը:
Իմ կանխատեսումն այն է, որ Սերժ Սարգսյանը 2008-ի կոալիցիայի ուժերին կամ այդ ուժերի մի մասին, կամ այդ ուժերի ներսում որոշակի շրջանակների պահում է որպես ռեզերվ, ի վերջո, 2017-ի արդյունքում ՀՀԿ-ի մեծամասնությունը կամ կառավարությունն ապահովելու համար: Իհարկե, որոշակի լծակներ կստանան նաեւ այդ ուժերը, բայց դրանից էությունը չի փոխվում»:


Մեկնաբանություններ

Համընկնող լուրեր