17:00 - ՀՀ-ում իրավունքի և օրենքի գերակայությունն անպայման հաստատվելու է.Արսեն Բաբայան         16:30 - Ուկրաինայում կալանավորվել է ԻԼԻՊ կարեւոր առաջնորդներից մեկը, որը Վրաստանի քաղաքացի է      16:00 - Զույգը «Զվարթնոցից» մեքենա է պատվիրել. երբ վարորդն իջել է ջուր խմելու, փախցրել են այն. մեքենան գտել են վթարված    

30 մար 2017 16:00

Արցախի ներկայիս տարածքը սակարկման ենթակա չէ. Հայկ Խանումյան

 

Արցախի ներկայիս տարածքը սակարկման ենթակա չէ, այն Արցախի, Արցախի ժողովրդի եւ համայն հայության անվտանգության կարեւորագույն գրավականն է: Այս մասին այսօր՝ մարտի 30-ին, Արցախի Հանրապետության Ազգային ժողովի նիստում հայտարարել է «Ազգային վերածնունդ» կուսակցության նախագահ Հայկ Խանումյանը:

Նա հիշեցրել է արցախյան հակամարտության կարգավորման վերաբերյալ իրենց կուսակցության մոտեցումները՝ նշելով.

«1. Արցախի ժողովուրդն արդեն իրականացրել է ինքնորոշման իր իրավունքը եւ բոլորիս նպատակը պետք է լինի այդ իրականացված ակտի միջազգային ճանաչումը:

2. Արցախի տարածքների ավելացումը հետեւանք է Արցախի նկատմամբ Ադրբեջանի ագրեսիայի: Ագրեսորին պատժելու եղանակներից մեկը նրան տարածքներից զրկելն է, ինչն էլ մենք արել ենք 1991-94թթ. պատերազմի ժամանակ: Արցախի ներկայիս տարածքը սակարկման ենթակա չէ, այն Արցախի, Արցախի ժողովրդի եւ համայն հայության անվտանգության կարեւորագույն գրավականն է:

3. Որեւէ միջազգային կամ օտարերկրյա ռազմական ուժ չի կարող հանդես գալ որպես Արցախի ու Արցախի ժողովրդի անվտանգության երաշխիք: Անվտանգության իրական երաշխիք կարող է լինել միայն Արցախի պաշտպանության բանակը` ՀՀ զինված ուժերի հետ իր հարաբերությունների ամբողջությամբ:

4. Միջազգային հանրության որեւէ խոստում կամ գրավոր երաշխիք չի կարող խաղաղության ապահովման գործիք լինել: Այսօրվա դրությամբ խաղաղությունը հնարավոր է միայն հակամարտող կողմերի ուժերի հավասարակշռության շնորհիվ:

5. Հանուն խաղաղության կամ կարգավիճակի տարածքային եւ այլ զիջումները բերելու են ավելի լայնածավալ պատերազմի եւ ավելի շատ զոհերի»:



Մեկնաբանություններ

Համընկնող լուրեր