22:09 - ՀՀ առաջին նախագահ Լեւոն Տեր Պետրոսյանի կոչը         17:32 - Կենտրոնական բանկում դոլարի և եվրոյի փոխարժեքները տատանվում են      16:55 - Կորոնավիրուսով վարակված կնոջ շփման շրջանակը պարզվում է. Քաշաթաղի շրջանի ղեկավարը՝ վարակմած դեպքի մասին    

05 ապր 2017 21:02

Գիտնականները ատամի մածուկի մեջ վտանգավոր քաղցկեղածին նյութ են հայտնաբերել

Գաղտնիք չէ, որ մարդիկ շրջապատված են վնասակար նյութերով: Մասնավորապես՝ նման վնասակար նյութեր, որոնք կարող են լինել նաև քաղցկեղածին, գիտնականները հայտնաբերել են ատամի մածուկի մեջ: Ատամի մածուկի և մաստակի շատ տեսակների մեջ հայտնաբերվել է տիտանի երկօքսիդ (E171 սննդային գունանյութ), որը խիստ վնասակար է:
Թուլուզի համալսարանի և Լյուքսեմբուրգի գիտության և տեխնոլոգիաների ինստիտուտի մասնագետներն անց են կացրել մի գիտափորձ, որի ժամանակ 100 օր առնետներին տվել են տիտանի երկօքսիդ պարունակող ջուր: Արդյունքում կրծողների 40%-ի մոտ աղեստամոքսային համակարգում առաջացել են նորագոյացություններ, որոնք բարձրացնում էին քաղցկեղի առաջացման հավանականությունը:
Գիտափորձը նաև ցույց է տվել, որ այդ նյութը խիստ բացասաբար էր ազդում կրծողների իմունային համակարգի վրա: Գիտնականները մտադիր են Ֆրանսիայում լայնամասշտաբ կլինիկական հետազոտություններ անցկացնել՝ պարզելու համար, թե ինչպես է այն ազդում մարդկային օրգանիզմի վրա:
Ավելի վաղ գիտնականներն արդեն նախազգուշացրել են տիտանի երկօքսիդ պարունակող ներկերի, արևապաշտպան քսուքների, քաղցրավենիքի վնասակար հատկությունների մասին: Բացի այդ, ուսումնասիրությունները ցույց են տվել, որ այս նյութը վտանգավոր է ոչ միայն սննդի մեջ օգտագործելու դեպքում, այլև շնչելու, քանի որ նպաստում է քաղցկեղի առաջացմանը:
Նյութի աղբյուրը՝ gogetnews.info


Մեկնաբանություններ

Համընկնող լուրեր