18:33 - Արթուր Վանեցյանը հրաժարական տվեց Ֆուտբոլի ֆեդերացիայի նախագահի պաշտոնից. Տեսանյութ         17:32 - Միջադեպ Թուրքիայի խորհրդարանում.Կարո Փայլանը Սոյլուին նմանեցրել է Հիմմլերի հետ      16:39 - Տեսանյութ. Վահե Էնֆիաջյանի կոշտ պատասխանը ադրբեջանցի պատվիրակներին՝Քաղաքական սադրանք՝ դուք եք անում,Արցախի հարցը դե ֆակտո լուծված է    

18 հուն 2016 12:45

ՄԻՊ-ի հետ քննարկվել են հոգեկան առողջության խնդիրները

Մարդու իրավունքների պաշտպան Արման Թաթոյանն այսօր աշխատանքային հանդիպում է ունեցել «Հայկական հոգեբուժական ասոցիացիայի» անդամների հետ: Հանդիպմանը ներկա են եղել նաեւ Պաշտպանի աշխատակազմի ներկայացուցիչները, ինչպես նաեւ ոլորտի այլ փորձագետներ:
Հանդիպման շրջանակներում քննարկվել են Հայաստանում հոգեկան առողջության պահպանման հետ կապված արդի հարցերը, առավելապես կարեւորվել են հոգեկան առողջության խնդիրներ ունեցող մարդկանց իրավունքները, ինչպես նաեւ հոգեբանական եւ հոգեբուժական ծառայությունների իրականացման ներկա հարցերն ու զարգացման հեռանկարները:
Հայկական հոգեբուժական ասոցիացիայի նախագահ Արմեն Սողոյանը եւ ասոցիացիայի անդամները նշել են հոգեբուժության եւ հոգեկան առողջության ոլորտում առկա խնդիրները, ինչպես նաեւ իրենց շնորհակալությունն են հայտնել Պաշտպանին՝ հաստատելով իրենց պատրաստակամությունը համագործակցելու հոգեկան առողջության ոլորտի բարելավման հարցերում:
Պաշտպան Արման Թաթոյանն ընդգծել է համատեղ գործունեության կարեւորությունը, հավաստիացրել, որ ստեղծված կառուցողական հարաբերությունները մեծապես կնպաստեն ոլորտի օրենսդրական կարգավորմանն ուղղված համատեղ ծրագրերի իրականացմանը: Նմանատիպ քննարկումներն այսուհետ կրելու են պարբերական բնույթ: Առաջիկայում նախատեսվում են համատեղ ծրագրեր՝ ուղղված հանրության իրազեկվածության բարձրացմանը, աշխատակազմի համապատասխան ներկայացուցիչների մասնագիտական կարողությունների կատարելագործմանը:
Մարդու իրավունքների պաշտպանի աշխատակազմ


Մեկնաբանություններ

Համընկնող լուրեր