Իլհամ Ալիեւի մամուլի ծառայությունն աղավաղել է Ալեքսանդր Վուչիչի խոսքը          Չփաթեթավորել ուղեբեռները և ձեռքի իրերը «Զվարթնոցում»դրանք ախտահանվելու են       Ինչպես է նախկին պատգամավոր Լևոն Սարգսյանը տեղափոխվում Հայաստան. Ոստիկանության տեսանյութը    

28 ապր 2017 19:50

«Տաքսի ծառայություն մատուցող բոլոր մեքենաները պետք է լիցենզավորվեն». նախարար

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը ապրիլի 28-ին ընդունեց առցանց տաքսի ծառայությունների և տաքսոմոտորային ուղևորափոխադրումներ իրականացնող մի շարք կազմակերպությունների ղեկավարների։ Հանդիպման նպատակն էր` մեկ անգամ ևս հստակեցնել տաքսի ծառայություն մատուցող ընկերություններին ներկայացվող պահանջները։
Նախարարը նշեց, որ պետք է տարանջատել էլեկտրոնային ծառայությունները տաքսի ծառայությունների մատուցումից։ Տաքսի ծառայություն մատուցող բոլոր մեքենաները պետք է լիցենզավորվեն և աշխատեն օրինական դաշտում։ Բոլորի համար պետք է լինեն հավասար մրցակցային պայմաններ։
«Ողջունելի է ցանկացած նոր տեխնոլոգիա, բայց պետք է տարանջատում լինի և պայմանագիր կնքվի միայն լիցենզավորված վարորդների հետ»,- ընդգծեց նախարարը։
Այս գործունեությունն առավել արդյունավետ կազմակերպելու համար հնչեցին մի շարք առաջարկություններ։
Վահան Մարտիրոսյանը տեղեկացրեց, որ նախարարությունը ներկայում աշխատում է տաքսի ծառայությունների ոլորտը կարգավորող օրենսդրական փոփոխությունների շուրջ։ Նա բոլոր շահագրգիռ կողմերին հրավիրեց օրենքի նախագծի շուրջ ներկայացնելու իրենց առաջարկությունները։
Նախարարը շեշտեց, որ մինչ այդ, բոլորը պետք է աշխատեն գործող օրենքների շրջանակներում։


Մեկնաբանություններ

Համընկնող լուրեր