17:04 - Տեսանյութ. ԱԳՆ կեղծիքի, Արցախի խնդրից շեղումների, Փաշինյանի օրակարգի մասին         16:40 - ԱՆ-ն հերքում է «Պյեռլուիջի Կոլինա» անունով քաղաքացի երեխա չի որդեգրել      16:19 - Տեսանյութ. Քրեական գործ հարուցող մարմինները իշխանության ազդեցության տակ են գտնվում․ Ռոբերտ Քոչարյան    

16 հուն 2017 14:40

Մթերքներ, որոնք չի կարելի օգտագործել սուրճի հետ

 

Որոշ մթերքներ սուրճի հետ վատ են զուգակցվում. դրանք այս ըմպելիքի հետ օգտագործելու դեպքում օրգանիզմում կարող են սկսվել անբարենպաստ պրոցեսներ, որոնք մեծացնում են մի շարք հիվանդությունների առաջացման հավանականությունը: Փորձենք պարզել, թե ո՞ր մթերքների օգտագործումը սուրճի հետ ցանկալի չէ:

Պարզվում է՝ եթե յուղոտ ճաշատեսակ ուտելու ընթացքում նաեւ սուրճ խմեք, դա արյան մեջ գլյուկոզայի մակարդակի կտրուկ բարձրացում կառաջացնի: Նույնիսկ նորմալ քաշով առողջ մարդու դեպքում արագ սնունդի նման յուղոտ կերակուր օգտագործելուց հետո գլյուկոզայի մակարդակը բարձրանում է: Եթե նման ճաշի հետ նաեւ սուրճ խմեք, ապա գլյուկոզայի մակարդակը 2 անգամ ավելի կբարձրանա՝ գրեթե ինչպես դիաբետի առաջացման մեծ հավանականությամբ մարդկանց մոտ:

Կանադացի գիտնականների խոսքով՝ յուղոտ սնունդը առողջ մարդու արյան մեջ շաքարի մակարդակը բարձրացնում է 32 տոկոսով: Ըստ որում՝ գլյուկոզայի մակարդակը կարող է մի քանի ժամ շարունակ բարձր մնալ: Իսկ եթե յուղոտ սնունդ օգտագործած մարդիկ 5 ժամվա ընթացքում խմում են 2 գավաթ սուրճ, նրանց արյան մեջ շաքարի մակարդակը բարձրանում է ամբողջ 65 տոկոսով:

Բժիշկների խոսքով՝ հագեցած ճարպերը օրգանիզմին խանգարում են գլյուկոզան նորմալ յուրացնել, իսկ կոֆեին պարունակող ըմպելիքներն այս խանգարումը միայն խորացնում են: Այդ պատճառով, եթե մարդը բուտերբրոդների, համբուրգերների կամ տապակած կարտոֆիլի հետ սուրճ խմելու սովորություն ունի, նրա արյան մեջ շաքարի մակարդակը բավականին հաճախ է բարձրանում, որն անխուսափելիորեն կանդրադառնա նրա ամբողջ օրգանիզմի աշխատանքի վրա եւ կարող է դիաբետ ու այլ հիվանդություններ առաջացնել:



Մեկնաբանություններ

Համընկնող լուրեր