12:21 - Ռասիստական նոր դրսևորում՝Ադրբեջանի կողմից. սա ևս անհանգստացնող է         12:08 - Ադրբեջանի կողմից չզգուշացված լայնածավալ զորավարժությունների անցկացումը խախտում է. ուր մնացին խոստումները      12:06 - Երևանում քաշքշել են ոստիկաններին, կծել ու ճանկռել նրանց. Բերման է ենթարկվել 15 քաղաքացի    

21 հուն 2017 18:55

Բժիշկները բաժանել են գլուխներով սերտաճած սիամական երկվորյակներին. տեսանյութ

 
Էբի եւ Էրին Դելեյնիները սիամական երկվորյակներ են, որոնք գլուխներով էին սերտաճած: Վիրաբույժները վիրահատել են 10 ամսական աղջիկներին, եւ հիմա նրանք վերջապես կարող են առանձին մահճակալներում քնել:
11 ժամ տեւած վիրահատությունը կատարվել է Children’s Hospital of Philadelphia հիվանդանոցում: 30 մասնագետներից կազմված խումբը ղեկավարել է պլաստիկ վիրաբույժ Ջեսի Թեյլորը եւ նեյրովիրաբույժ Գրեգորի Հոյերը: Նրանց խոսքով՝ վիրահատությունը շատ բարդ էր եւ երկարատեւ, բայց հիմա աղջիկները վերականգնվում են, եւ բժիշկները հույս ունեն, որ նրանց մոտ ամեն ինչ լավ կլինի:
Աղջիկների ծնողները սիամական երկվորյակներ ունենալու մասին իմացել են հղիության դեռեւս 11-րդ շաբաթում: Այդ ժամանակ անհնար էր որոշել՝ կհաջողվի երեխաներին բաժանել ծնվելուց հետո: Բայց արդեն այդ ժամանակ աղջիկների մայրը՝ Հեզեր Դելեյնին, սկսել է բժշկական կենտրոն որոնել, որտեղ իրեն եւ իր երեխաներին կկարողանային օգնել: Այսպես նա եկել է Ֆիլադելֆիայի մանկական հիվանդանոց:
Աղջիկները կեսարյան հատմամբ ծնվել են 2016 թվականի հուլիսի 24-ին, սահմանված ժամկետից 10 շաբաթ վաղ: Այդ ժամանակից ի վեր բժիշկները նրանց առանձնացնելու վիրահատության ծրագիր են մշակել: Մասնագետների խումբը երկար ժամանակ ուսումնասիրել է երկվորյակների տվյալներն ու փորձել նրանց գլուխների 3D մոդել ստեղծել՝ նրանց առանձնացնելու առավել անվտանգ միջոց գտնելու համար:
Մասնագետների խոսքով՝ վիրահատության բարդությունը կախված էր այն հանգամանքից, թե սիամական երկվորյակները գլխի հատկապես որ հատվածներով են միացած եւ որքան ընդհանուր հյուսվածքներ ունեն: Առավել դժվար է առանձնացնել ուղեղը սնուցող արյունատար անոթները:
Նման վիրահատությունների հետ կապված նաեւ այլ խնդիրներ կան. երբեմն սիամական երկվորյակները չեն հաղթահարում վիրահատությունը, երբեմն ողջ է մնում միայն մեկը, իսկ երբեմն ողջ են մնում երկուսը, բայց նրանցից մեկը նյարդաբանական լուրջ խնդիրներ է ունենում:
Այս դեպքում բժիշկները կարողացել են հաջողությամբ առանձնացնել երկվորյակներին: Երկուսն էլ հիմա նորմալ են զգում, բայց նրանց վիճակի մասին երկարաժամկետ կանխատեսումներ անել բժիշկները դեռ վաղ են համարում:


Մեկնաբանություններ

Համընկնող լուրեր