17:30 - Վենետիկի հանձնաժողովը պատրաստ է Ռոբերտ Քոչարյանի գործով խորհրդատվական կարծիք տրամադրել․ ՍԴ         16:58 - Բա ե՞ս ինչ եմ ասում. վարչապետի ականջներն էլ, աչքերն էլ բաց են. Մնում է մենք դա տեսնենք.բանավեճ սոցցանցում      16:37 - Անհասկանալի է, թե ինչո՞ւ է Տիգրան Ավինյանը խեղաթյուրում փաստերը, մենք մրցույթի համար փորձագետ չենք բերել Հայաստան    

23 օգոս 2017 15:00

Պարզվել է Վայոց ձորի մարզում հրդեհի բռնկման պատճառը.

 
Քննչական կոմիտեն տեղեկացնում է, որ կոմիտեի Վայոց Ձորի մարզային քննչական վարչությունում քննվող քրեական գործով ձեռնարկված քննչական գործողությունների արդյունքում պարզվել է Վայոց Ձորի մարզում՝ Արտավան գյուղի տարածքում, հրդեհի բռնկման պատճառը։ Մեղադրանք է առաջադրվել մեկ անձի:
Կոմիտեն նշում է, որ Վայոց ձորի մարզի Արտավան գյուղի խոտածածկ տարածքներում հրդեհը բռնկվել էր օգոստոսի 10-ին, ինչը հետագա օրերին տարածվել է՝ ներառելով Սարավանի անտառպետության որոշ տարածքներ։
Դեպքի առթիվ՝ Քրեական օրենսգրքի 186-րդ հոդվածի 2-րդ մասի և 297-րդ հոդվածի 1-ին մասի հատկանիշներով [գույքը, անտառները անզգուշությամբ ոչնչացնելը կամ վնասելը կրակի հետ անզգույշ վերաբերվելու հետևանքով] հարուցված քրեական գործով Քննչական կոմիտեի Վայոց Ձորի մարզային քննչական վարչությունում ձեռնարկվել են մեծածավալ քննչական գործողություններ, որի արդյունքում պարզվել է, որ հրդեհը բռնկվել է անսարք ավտոմեքենայի շահագործման ժամանակ խլացուցիչից արտանետված բոցերի հետևանքով։
«Նախնական քննությամբ փաստական տվյալներ են ձեռք բերվել առ այն, որ Վայոց Ձորի մարզի Արտավան համայնքի բնակիչը շուրջ մեկ ամիս անսարք վիճակում գտնվող, խոտանված՝ շահագործման ոչ-ենթակա «ՎԱԶ 21011» մակնիշի առանց համարանիշի ավտոմեքենայով գնացել է նույն համայնքի խոտհարքի տարածք։ Վերելք բարձրանալու համար արագություն հավաքելու նպատակով ինտենսիվորեն սեղմել է գազի ոտնակը, ինչի հետևանքով ավտոմեքենայի անսարք խլացուցչից արտանետվել են բոցեր, և հրդեհ է բռնկվել: Արդյունքում՝ այրվել է «1-ին բրիգադ» կոչվող խոտհարքի տարածքը, ապա հրդեհը տարածվել է՝ ներառելով Զառիթափ համայնքի խոտհարքների մի մասն ու հարակից «Հայանտառ» ՊՈԱԿ-ի «Վայոց Ձորի անտառտնտեսության» մասնաճյուղի Սարավանի անտառպետության տարածքի 300 հա տարածքը:
Ձեռք բերված բավարար ապացույցների համակցությամբ՝ Վայոց Ձորի մարզի բնակչին մեղադրանք է առաջադրվել՝ Քրեական օրենսգրքի 186-րդ հոդվածի 2-րդ մասով և 297-րդ հոդվածի 1-ին մասով: Վերջինիս նկատմամբ որպես խափանման միջոց է ընտրվել ստորագրություն չհեռանալու մասին: Նրա մասնակցությամբ կատարվել է քննչական փորձարարություն», - ասված է կոմիտեի հաղորդագրությունում։

Մեկնաբանություններ

Համընկնող լուրեր