22:30 - Եղանակը Հայաստանում հոկտեմբերի 18-ին         22:00 - Օրվա խորհուրդ. Հոկտեմբերի 18      21:40 - 6 բան, որ տղաներն ավելի շատ են գնահատում աղջկա մեջ, քան գեղեցիկ արտաքինը    

05 հոկ 2017 15:47

Հայկական կողմը խստացնում է բանակցային դիրքորոշումը հասկացնելով աշխարհին, եթե քաղաքական լուծում հնարավոր չէ, ապա ճանաչման գործընթաց ենք սկսելու

Հայացք մամուլի ակումբում քաղաքագետ, «Ոսկանապատ» հետազոտական կենտրոնի ղեկավար Հրանտ Մելիք-Շահնազարյանը խոսեց աշխարհաքաղաքական նոր զարգացումների, ժամանակակից աշխարհում անկախացման գործընթացների Արցախի հակամարտության խնդրի շուրջ:
Ըստ Հրանտ Մելիք-Շահնազարյանի, աշխարհը շուտով ականատես կդառնա Կատալոնիայի և Իրաքյան Քուրդիստանի անկախության  հռչակմանը. «Շատ պարզ է, որ Կատալոնիայի համար ճակատագիրն ավելի դժվար ճանապարհ է նախատեսել, քան Իրաքյան Քուրդիստանի: Երկու գործընթացները, սակայն, ոչնչով չեն առնչվում հայկական երկրորդ պետության խնդրի հետ: Իսկ թե ինչու չունենք Արցախի ճանաչում, շատ պարզ է. հայկական կողմը դեռ չի նախաձեռնել այդ գործընթացը, մենք երբևէ նման նպատակ չենք հետապնդել, այլ մշտապես առաջնորդվել ենք բանակցային  գործընթացին չվնասելու սկզբունքով»,- ասաց Հրանտ Մելիք-Շահնազարյանը:
Հրանտ Մելիք-Շահնազարյանը շեշտեց, որ Արցախայն հիմնախնդրի կարգավորմանն ուղղված բանակցային գործընթացը փակուղում է հայտնվել և ապրիլյան  պատերազմից հետո նոր զարգացումներ սպասելն ուղղակի միամտություն կլիներ: Քաղաքագետի կարծիքով, սա դեռ չի նշանակում, որ փակուղում է հայտնվել նաև ճանաչման գործընթացը. «Հայկական կողմը խստացնում է բանակցային դիրքորոշումը, այդ մասին բացահայտ հայտարարում է երկրի ղեկավարը: Դիրքերի խստացումն էլ ավելի է բարդացնելու քաղաքական բանակցությունների միջոցով որոշակի լուծումներ գտնելու հնարավորությունը: Սակայն սա միջոց է հասկացնելու աշխարհին, որ եթե քաղաքական լուծում հնարավոր չէ, ուրեմն ճանաչման գործընթաց ենք սկսելու»,- նշեց բանախոսը:
Հրանտ Մելիք-Շահնազարյանը անդրադարձավ նաև առաջիկայում կայանալիք ՀԱՊԿ զորավարժություններին, որոնց առաջին անգամ կմասնակցի նաև հայ-ռուսական միացյալ զորախումբը. «Ադրբեջանում փորձում են չնկատել բաներ, որոնք կվախեցնեն ադրբեջանական հասարակությանը: Հայ-ռուսական հարաբերությունների ցանկացած սերտացում Ադրբեջանի կողմից ընկալվում է որպես իր հասարակությանն ուղղված դատավճիռ: Դրա համար ադրբեջանական քարոզչամեքենան քողարկում է այս փաստը»։
Հրանտ Մելիք-Շահնազարյանը չբացառեց նաև, որ զորավարժությունների ընթացքում Ադրբեջանը փորձի ռազմական սադրանքների դիմել:

loading...

Մեկնաբանություններ

Համընկնող լուրեր