17:20 - Ադրբեջանը մարտական կրակ է իրականացրել զենիթահրթիռային համակարգերից (լուսանկարներ)         17:05 - Արտակարգ պատահար Կոտայքի մարզում. բնակիչն առավոտյան ոչխարներին հոշոտված է գտել      16:48 - Մոսկվան Երևանի հետ խմելիք «կենացները թանկացրեց» և Պողոսյանի քրեական գործը քաղաքականացրեց    

03 նոյ 2017 15:15

Դավիթ Տոնոյանը՝ պաշտոնյաների որդիների բանակ զորակոչվելու մասին

 

Արտակարգ  իրավիճակների նախարար, պաշտպանության նախկին փոխնախարար Դավիթ Տոնոյանը կարծում է, որ «Զինվորական ծառայության եւ զինծառայողի կարգավիճակի մասին» նոր օրենքով պաշտոնյաների որդիներն էլ բանակ կզորակոչվեն, եթե առողջ լինեն:

«Այս օրինագիծը լուծում է ոչ միայն արդարության սկզբունքի խնդիրը, այլ նաեւ ռազմաքաղաքական իրավիճակից ելնելով եւ ժամկետային ծառայության կարգավորման պայմաններում սա որոշակի ծառայություն է»,-այսօր՝ նոյեմբերի 3-ին, ԱԺ-ում լրագրողների հետ զրույցում նշեց Դավիթ Տոնոյանը:

Նրա խոսքով, առաջարկվող փոփոխությունների համար ամենաշատ ուրախացող մարդկանցից մեկն էլ պաշտպանության նախկին նախարար Սեյրան Օհանյանն է:

Մեր հարցին՝ ինչը նպաստեց, որ այդ օրենքն ի վերջո ընդունվի, քանի որ տարիներ շարունակ այդ թեման չարչրկվել է, բայց այսպես էլ տարկետման իրավունքը չէր հանվում, Տոնյանը պատասխանեց. «Դրան նպաստում է այն, որ այսօր կուսակցությունը, որը ղեկավարում է երկիրը, մեծամասնություն է կազմում խորհրդարանում, համամիտ է այդ նախագծին»:

Հիշեցմանը, որ նախորդ խորհրդարանում էլ էր ՀՀԿ-ն մեծամասնություն, Տոնյանն արձագանքեց, որ նախորդ անգամ հարցը չի բարձրաձայնվել, օրենսդրական նախաձեռնություն չի եղել:

Դավիթ Տոնոյանը մտահոգություն չունի, որ ուսման տարկետումը հանելուց հետո արտագաղթը կարող է ահագնանալ. «Միանշանակ, ոչ, որովհետեւ բանակում ծառայելը չի կարող նպաստել արտագաղթին... Կարծում եմ, որ Հայաստանի Հանրապետության անվտանգության համար ոչ մտահոգ պարդիկ.... էլ չշարունակեմ»:

Դիտարկմանը, թե ուզում էր ասել՝ իր նշած մարդիկ պետք է արտագաղթե՞ն, Դավիթ Տոնոյանն ասաց. «Դուք ասացիք... ես չեմ ընդունում այդ մոտեցումը: Եթե կան մարդիկ, որոնք երկրի անվտանգությունը չապահովման պատճառով մեկնում են, այդ խավը ընդունելի չէ մեզ համար»:



Մեկնաբանություններ

Համընկնող լուրեր