Լիքը դագաղների և անծուխ օջախների Հայաստանը (հատված ֆիլմից)          Նման անողնաշար պահվածքը խրախուսում է Ադրբեջանին պահանջել և ստանալ ավելի շատ զիջումներ.ՀՀ ղեկավարները շարունակում են հանձնվել Ադրբեջանին       Տեղի ունեցավ «Սուրմալուի» ողբերգությունը, 2-րդ պլան մղվեց Բերձորի և Աղավնոյի հանձնումը...դեռ «Սուրմալուի» վերքը բաց, իսկ մեզ ահաբեկում են մետրոյում ռումբ տեղադրելու մասին տեղեկատվությամբ..    

06 նոյ 2017 19:50

Քրեական գործեր` պաշտոնատար անձանց կողմից պաշտոնեական դիրքը չարաշահելու և կեղծիք կատարելու դեպքերի վերաբերյալ

ՀՀ հատուկ քննչական ծառայությունում քրեական գործեր են քննվում պետական հատուկ ծառայություն իրականացնող պաշտոնատար անձանց կողմից պաշտոնեական դիրքը չարաշահելու և պաշտոնեական կեղծիք կատարելու դեպքերի վերաբերյալ:
Այսպես, Երևան քաղաքի Ավան և Նոր Նորք վարչական շրջանների ընդհանուր իրավասության դատարանում քննվող քրեական գործով ամբաստանյալի պաշտպանը դատական նիստի ժամանակ հայտարարել է, որ ուսումնասիրել է նշված գործի նյութերում առկա` համապատասխան օպերատիվ-հետախուզական միջոցառումների արդյունքների մասին ստորագրված արձանագրությունները և պարզել, որ նախորդ նիստի ժամանակ ստորագրություններն առկա չեն եղել, մինչդեռ վերջին դատական նիստի ժամանակ դրանք առկա են եղել արձանագրություններում:

Պետական հատուկ ծառայություն իրականացնող պաշտոնատար անձի կողմից պաշտոնեական կեղծիք կատարելու վերը նշված դեպքի առթիվ ՀՀ հատուկ քննչական ծառայությունում քրեական գործ է հարուցվել ՀՀ քրեական օրենսգրքի 314-րդ հոդվածի 1-ին մասով:

Պաշտոնեական կեղծիք կատարելու և պաշտոնեական դիրքը չարաշահելու ենթադրյալ հանցագործությունների հատկանիշներով Հատուկ քննչական ծառայությունում մեկ այլ քրեական գործ է հարուցվել Ա. Պողոսյանի հաղորդման հիման վրա: Վերջինս հայտնել է, որ թմրամիջոց ապօրինի պահելու կասկածանքով 10.11.2016թ.-ին բերման է ենթարկվել ՀՀ ոստիկանության Գավառի բաժին, որտեղ կատարված անձնական խուզարկությամբ թմրամիջոց չի հայտնաբերվել: Այն հայտնաբերվել է իր բնակության հասցեում գտնվող ավտոտնակից, սակայն ոստիկաններն արձանագրություն են կազմել այն մասին, որ թմրանյութը հայտնաբերվել է անձնական խուզարկությամբ:

Այսպիսով, ՀՀ ոստիկանության պաշտոնատար անձանց կողմից պաշտոնեական դիրքը չարաշահելու և պաշտոնեական կեղծիք կատարելու վերը նշված դեպքի առթիվ ՀՀ հատուկ քննչական ծառայությունում քրեական գործ է հարուցվել ՀՀ քրեական օրենսգրքի 308-րդ և 314-րդ հոդվածների 1-ին մասերով:
Կատարվում է նախաքննություն:

Մեկնաբանություններ


Համընկնող լուրեր