Իսկ եթե դա տեղի ունենա, ապա բռնվեք, քանի որ առաջիկա տարիներին շատ վատ է լինելու          Հայաստանի գլխին սև ամպեր են կուտակվում․ խաղեր են տալիս մերթ Արևմուտքի, մերթ ՌԴ հետ       Տեսանյութ.Ուշագրավ իրավիճակ Սյունիքի շուրջ. ինչու են դեսպաններն այցելում այնտեղ    

08 դեկ 2017 13:00

Երեխաների համար վնասակար է շատ խաղալիք ունենալը. գիտնականներ

 

Չափից ավելի մեծ քանակությամբ խաղալիք ունենալը կարող է նպաստել երեխայի մոտ ուշադրության դեֆիցիտի համախտանիշի եւ վարքի այլ խանգարումների զարգացմանը: Այս մասին զգուշացնում են ԱՄՆ Օհայո նահանգի Տոլեդոյի համալսարանի գիտնականները:

Հետազոտությանը, որի արդյունքները հրապարակվել են Infant Behaviour and Development ամսագրում, մասնակցել է մանկահասակ 36 երեխա, որոնց տարել են 4 կամ 16 խաղալիքով խաղասենյակներ: Պարզվել է, որ խաղալիքների մեծ քանակությունը երեխաներին շեղել է, նրանց ուշադրությունը ցրել եւ խաղը կարճատեւ դարձրել: Մյուս խմբի երեխաները, որտեղ ընդամենը 4 խաղալիք է եղել, ավելի կենտրոնացած եւ կրեատիվ էին:

Գիտնականները ծնողներին, մանկապարտեզների դաստիարակներին եւ դպրոցների ուսուցիչներին խորհուրդ են տալիս վերացնել խաղալիքների մեծ մասը՝ երեխաների երեւակայության եւ սոցիալականացման զարգացմանը նպաստելու համար:

Գիտնականների խոսքով՝ Բրիտանիայում միջինվիճակագրական երեխան 200-ից ավելի խաղալիք ունի, սակայն մշտապես խաղում է դրանցից միայն մի քանիսով: Մնացյալ բոլոր խաղալիքներն իրականում նրան պետք չեն, դրանք միայն խանգարում են նրա զարգացմանը:

Ուշադրության դեֆիցիտի համախտանիշը զարգացման վարքային խանգարում է, որը մանուկ տարիքում է սկսվում: Ախտանիշներից են՝ ուշադրության կենտրոնացման դժվարությունը, հիպերակտիվությունը եւ իմպուլսիվությունը: Մեծ տարիքում այսպիսի երեխաների մոտ հաճախ նկատվում է ցածր ինտելեկտ եւ տեղեկության ընկալման դժվարություն:



Մեկնաբանություններ

Համընկնող լուրեր