20:04 - Տեսանյութ նվիրված Եվրոպական սոցիալական խարտիային         18:18 - Տեսանյութ.Ունենք մեծ մարտահրավերներ, ներքին քաղաքականությունը պիտի «ես»-ից տեղափոխվի «մենք»-ի դաշտ      17:07 - Բանաձևն ընդունվել է՝ արհամարհելով Թրամփին ու Էրդողանին․ The Guardian    

11 դեկ 2017 16:15

Սարգսյանը խոսել է փաստերով․ Շարմազանովը՝ կուսակցապետի աղմկոտ հայտարարության մասին

 Սարգսյանը խոսել է փաստերով․ Շարմազանովը՝ կուսակցապետի աղմկոտ հայտարարության մասին
ԱԺ ՀՀԿ խոսնակ Էդուարդ Շարմազանովը պատասխանելով լրագրողների այն հարցին՝ արդյո՞ք ճիշտ է, որ մինչ այս պահը համայնքապետերի կողմից հանցագործություններն են եղել, որոնք ներվել են Սերժ Սարգսյանի կողմից եւ աչք է փակվել դրանց վրա, ասաց.
«Պարոն նախագահը հստակ տվել է իր գնահատականներն ու հանձնարարականները: Պարոն նախագահի խոսքում հանցագործության մասին որեւէ հաղորդում չկա: Պարոն նախագահը որպես քաղաքական թիմի առաջնորդ, պետության գլուխ, տալիս է նոր իրողություններին եւ մարտահրավերներին ընդառաջ ավելի արդյունավետ կառավարման խնդիր: Գաղտնիք չէ, որ եղել են անարդյունավետ կառավարում, թերացումներ եւ այնպես չէ, որ մարդիկ չեն պատժվել: Պարզապես պարոն նախագահը խոշորացված համայնքներից հետո, ինչպես նաեւ հաշվի առնելով, որ Գյումրիում եւ Վանաձորում ունենք ընտրական նոր մոդել՝ տալիս է հստակ նշաձող: Նրանք, ովքեր պատրաստ չեն այս նշաձողին համապատասխան աշխատեն, ուրեմն անելիք չունեն: Դա չի նշանակում, որ պետական պաշտոնյաները գող ու ավազակ են»,- ասաց Շարմազանովը
Նշենք, որ Սերժ Սարգսյանն իր ելույթում հստակ ասում է, թե՝ գիտենք, տեղյակ ենք, թե ինչպես են համայնքապետերը օգտագործում իրենց պաշտոնը եւ մեր բնակչության ունեցվածքը տանում: Հարցին, եթե եղել են նման փաստեր, ապա ինչու՞ մինչ այս պահը քրեական գործեր չեն հարուցվել կամ իսկապե՞ս դրանք ներվել են Սերժ Սարգսյանի կողմից, Շարմազանովն ասաց.
«Քրեական գործեր պետք է լինեն, թե՝ ոչ, դա Ազգային ժողովը չի որոշում: Դա ոչ Ազգային ժողովի փոխնախագահի, ոչ էլ ՀՀԿ-ի խոսնակի գործառույթները չեն: Դրա համար կան համապատասխան իրավապահ մարմիններ եւ համոզված եղեք, որ, եթե նման հիմքեր լինեն, ապա...նախագահի խոսքերի այդ մասը ես չպետք է վերլուծեմ: Նախագահն ինչ ասում է, ասում է հիմքով»,- նշեց նա:
Դիտարկմանը, թե, եթե Սերժ Սարգսյանը հիմքերով է խոսել, ապա ու՞ր են պատասխանատվության ենթարկված գյուղապետերը, Շարմազանովն արձագանքեց․ «Ես ցավում եմ, որ դուք չեք տեսել, որ եղել են պետական պաշտոնյաներ, որոնք պատժվել են: Այսինքն այս 10-15 տարվա մեջ քրեական գործեր չեն եղե՞լ: Դուք հետեւե՞լ եք: Պարոն նախագահը հանցագործությունը չի ներել, խոսքն անարդյունավետ կառավարման մասին է: Հանցագործությունն ու անարդյունավետ կառավարումը տարբեր բաներ են»:
Բյուջեն թալանել եւ տուն տանելը հանցագործությու՞ն է, թե՞ անարդյունավետ կառավարում: Հարցի պատասխանը ՀՀԿ-ի խոսնակն առաջարկեց իրավապահ համակարգից ճշտել:«Հանցագործությունը լինում է այն ժամանակ, երբ դատարանը տալիս է իր գնահատականը»:





Մեկնաբանություններ

Համընկնող լուրեր