17:00 - Կունենք կարճատեւ շոգեր՝+37․․․+38 աստիճանի         16:35 - Պետական կառույցները մեզնից գնում չեն անում, խոշոր խաղացողներ են մտել շուկա. գուցե դադարեցնենք մեր հայկական դիմակների արտադրությունը      16:15 - Սահմանին կրակոցների թիվն ավելացել է. ՊԲ    

07 հուլ 2016 16:35

«Զվարթնոցի» ապամոնտաժումը դավադրական հարված է հայ ժողովրդի մեջքին

ՀՀ Ազգային ավիացիոն միավորումը հանդես է եկել հայտարարությամբ, որտեղ պահանջում է կասեցնել «Զվարթնոցի» մասնակի ապամոնտաժման գործընթացը, այն համարելով դավադրական հարված է հայ ժողովրդի մեջքին:
Հայտարարությունում, մասնավորապես, ասվում է.
«Հայաստանի Հանրապետությունը փաստացի գտնվում է ռազմական իրավիճակում: Միջազգային հարաբերությունների բարդ եւ անկանխատեսելի ժամանակաշրջանը լի է բազմաթիվ վտանգներով: Այդ իրադրությունից ելնելով՝ մենք բազմիցս բարձրաձայնել ենք հանրապետության ռազմավարական նշանակության օբյեկտների պահպանության եւ արդիականացման անհրաժեշտության մասին:
«Զվարթնոց» օդանավակայանի պետական համալիրի հարցով անցկացրել ենք մի շարք քննարկումներ եւ հավանություն ենք տվել օդանավակայանի ճարտարապետական նախագծի հեղինակների ժառանգների եւ «Հայնախագիծ» ՓԲԸ-ի կողմից կատարված առաջարկությունների հիման վրա «Զվարթնոց» օդանավակայանի շենքի արդիականացման այն նախագծին, որը հնարավորություն է ապահովում քիչ ներդրումներով օգտագործել համալիրն՝ իր նպատակային նշանակության համաձայն:
Հանրային Խորհրդի կարծիքն անտեսող՝ Զվարթնոց օդանավակայանի պետական համալիրի մասնակի ապամոնտաժման որոշումը ակնհայտորեն հակասում է ՀՀ ռազմական դոկտրինայի դրույթներին, որի համաձայն` պետությունը պարտավոր է պահպանել եւ զարգացնել քաղաքացիական օդանավակայանները ռազմական նշանակության չափանիշներին համապատասխան:
Այդ որոշումը վերացնում է շենքի ըստ նպատակային նշանակության  օգտագործումը, ինչը, մեր կարծիքով, դավադրական հարված է հայ ժողովրդի մեջքին` մեր երկրի համար ամենածանր պահին:
Պահանջու՛մ ենք․ կասեցնել «Զվարթնոց» օդանավակայանի համալիրի մասնակի ապամոնտաժման գործընթացը եւ հարուցել քննություն՝ պետական սեփականության դեմ կատարված ոտնձգությունը բացահայտելու եւ մեղավորներին պատասխանատվության ենթարկելու նպատակով:


Մեկնաբանություններ

Համընկնող լուրեր