15:55 - Քաղցկեղը վերջնագիր չէ. ախտորոշվել է քաղցկեղ, մի շտապիր քիմիաթերաիա ընդունել.ուղղակի բիզնես է…         15:47 - Բնակարանային շուկան գահավիժել է. այլևս չկա նախկին ակտիվությունը. վաճառքը կրճատվել է գրեթե 20 տոկոսով      15:25 - Աստծուց ու մեր ապրածից գոհ ենք այնքանով, որ մենք այդքանից հետո սաղ սալամաթ ենք. Կեցցեք    

28 հուն 2018 15:30

Այլընտրանք էլ չունենք Ռուսաստանին ուրիշ աչքով նայելու. Մանվել Գրիգորյան

 
Կրակոցները մշտապես լինելու են, մինչեւ Արցախի հարցը լուծվի, Արցախի անկախությունը ճանաչվի, սահմանները մշտապես գծվեն: Այս մասին, այսօր՝ հունվարի 28-ին, «Եռաբլուր» զինվորական պանթեոնում լրագրողների հետ զրույցում նշեց Երկրապահ կամավորականների միության նախագահ, ԱԺ ՀՀԿ խմբակցության պատգամավոր, գեներալ Մանվել Գրիգորյանը:
Նա համաձայնեց, որ նաեւ քաղաքականությամբ է պայմանավորված, որ լարվածություն է առաջանում սահմանին. «Տեղեր կա, որ քաղաքականությունն էլ կա:
Երբ Հեյդար Ալիեւ խաղաղության էր գնում, նա նպատակ ուներ տղային իշխանության բերելու: Հիմա էլ ընտրություններ կան Ադրբեջանում, և շատ հնարավոր է, որ լարվածություն լինի, որ Ալիեւը իր հակառակորդներին մի քիչ ձգած պահի: Մշտապես ինքը իրեն վոժդ, լիդեր զգալու համար էդպիսի քաղաքականություն է վարում»:
Մանվել Գրիգորյանի խոսքով, բանակին առաջին հերթին պետք է լավ բարոյահոգեբանական վիճակի զինվոր եւ սպա ունենալ,  ֆինանսական մեծ աջակցություն, որ տեխնիկապես լավ զինվի:
Ինչ վերաբերում է Մոսկվայի կողմից Բաքվին զինելուն, մասնավորապես նրան, որ վերջերս Ադրբեջանը ՌԴ-ից ԲՏՌ-ների նոր խմբաքանակ է գնել, Մանվել Գրիգորյանն ասաց. «Դե, իրենք հիմնականում զենք են գնում Ռուսաստանից, բայց ոչ միայն Ռուսաստանից, այլ աշխարհի շատ երկրներից՝ Բելառուսից, Ուկրաինայից, Իսրայելից: Որտեղ փող կա ու ծախվող զենք կա, ով ծախում ա, նրանք էլ առնում են: Փող ունեն, տալիս առնում են: Այնպես չէ, որ մենք քնում ենք, կարող է նրանց նավթը, գազը շատ է, բայց մենք էլ ենք առնում: Մեր զինվորն էլ այսօր շատ-շատ բաներով ապահոված է, որ կարողանում է դիմակայել եւ ամուր պահել սահմանը: Իրոք դիվերսիոն շատ փորձեր է լինում, բայց էսօր իրանց մոտ չի ստացվում: Հիմա կարողանում ենք առաջնագիծը տեսնել ու պահպանել»:
Դիտարկմանը, թե Ռուսաստանը մեր ռազմավարական դաշնակիցն է եւ նորմա՞լ է, որ զենք է վաճառում Ադրբեջանին, գեներալ պատգամավորը պատասխանեց. «Դե ռազմավարական դաշնակից է, բայց դե զենքը, որ մեկը վաճառում է, մյուսն էլ առնում է: Ինձ համար ընդհանրապես նորմալ չէ՝ անկախ նրանից՝ ով է տալիս իմ թշնամուն զենք: Եթե ասեմ նորմալ ա, չե՞ք մտածի՝ ես գիժ եմ, թե նորմալ»:
Հարցին, թե Ռուսաստանի կողմից Ադրբեջանին նոր խմբաքանակի մատակարարման դեպքում, Ռուսաստանին էլի դաշնակցի աչքո՞վ եք նայում, նա արձագանքեց. «Այլընտրանք էլ չունենք ուրիշ աչքով նայելու, ծախում է, նրանք էլ առնում են, մենք էլ ենք առնում: Էդ նույն ադրբեջանցին կարող է ասի՝ իրենք էլ են համագործակցում: Դաժե առաջարկում են՝ իրանց էլ մտցնեն էդ դաշինքի մեջ»:


Մեկնաբանություններ

Համընկնող լուրեր