19:58 - Մեր երկար ձեռքերը սեղմելու, գրկախառնվելու, ոչ թե բռնցքամարտի համար են         17:02 - Մայրը քիչ էր մնացել, որ պատուհանից դուրս նետեր երկու տարեկան երեխային      16:43 - Գեղարքունիքի մարզում ВАЗ 2106-ում հայտնաբերվել է Սևանի բժշկական կենտրոնի դիահերձող սանիտարի դին    

14 փետ 2018 18:50

Սահակաշվիլին դատարանից պահանջել է անօրինական ճանաչել Ուկրաինայից իր արտաքսումը Լեհաստան

 Սահակաշվիլին դատարանից պահանջել է անօրինական ճանաչել Ուկրաինայից իր արտաքսումը Լեհաստան
Կիեւի օկրուգային վարչական դատարանում հայց է ստացվել Վրաստանի նախկին նախագահ, «Նոր ուժերի շարժում» կուսակցության առաջնորդ Միխեիլ Սահակաշվիլիից, որտեղ պատասխանողներ են նշված Պետական միգրացիոն ծառայությունը, Պետական սահմանապահ ծառայության վարչակազմը եւ ներքին գործերի նախարարությունը: Այդ մասին հայտնել է դատարանի մամուլի ծառայությունը:
«Հայցվորը դատարանին խնդրում է անօրինական ճանաչել Պետական միգրացիոն ծառայության, Պետական սահմանապահ ծառայության եւ ներքգործնախարարության համապատասխան կառուցվածքային կազմավորումների՝ Սահակաշվիլիին կեցության նախորդ երկիր վերադարձնելու որոշման կատարման 2018 թվականի փետրվարի 12-ի գործողությունները»,- փետրվարի 14-ին հայտնել է Կիեւի օկրուգային վարչական դատարանի մամուլի ծառայությունը:
Տեղեկատվության մեջ նշված է, որ նաեւ հայցվորը դատարանին խնդրում է Ուկրաինայի Պետական միգրացիոն ծառայության համապատասխան կառուցվածքային կազմավորմանը պարտավորեցնել չեղարկելու սույն որոշումը, հաղորդել է «Ինտերֆեքս»-ը:

Մեկնաբանություններ

Համընկնող լուրեր