10:33 - Ինչո՞ւ է Հայկ Հարությունյանի հետ դեպքի օրը նույն տանը եղած վկան հեռացել Հայաստանից. «Ժողովուրդ»         10:19 - Ոստիկանին սպանողին առաջադրված մեղադրանքներով ընդհուպ մինչեւ ցմահ ազատազրակում է սպասվում.«Ժողովուրդ»      10:02 - Ես քաղաքական նման գործընթացի չեմ ցանկանում մասնակցել.բոլորին հանում են, անվանում հանցագործներ.«168 ժամ»    

09 հուլ 2016 17:41

Քննչական կոմիտեի Սյունիքի մարզային քննչական վարչությունը նոր շենք ունի

ՀՀ քննչական կոմիտեի նախագահ Աղվան Հովսեփյանը հուլիսի 8-ին աշխատանքային այցով մեկնել է Կապան, որտեղ տեղի է ունեցել ՀՀ քննչական կոմիտեի Սյունիքի մարզային քննչական վարչության վարչական նոր շենքի բացումը։
Այս մասին տեղեկանում ենք  ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:
Սյունիքի մարզային քննչական վարչության աշխատանքային պայմանները բարելավելու համար անհատույց օգտագործման է հանձնվել Երկաթուղայինների 4 հասցեում գտնվող 625.1 քմ մակերեսով շենքը, որի վերանորոգման համար ծախսվել է 26 մլն դրամ, որից  22 մլն. դրամը հատկացվել է  ՀՀ կառավարության 710-Ն որոշմամբ, իսկ 4 մլն դրամը՝ պահուստային ֆոնդի միջոցներից: Շենքը հիմնովին նորոգվել է, կահավորվել նոր գույքով, ապահովվել անհրաժեշտ տեխնիկայով՝ համակարգիչներով, պատճենահանող և սկանավորող սարքերով, ներքին ավտոմատ հեռախոսային կայանով, լոկալ ջեռուցմամբ։
Վարչական շենքը եռահարկ է, որն ունի 16 աշխատասենյակ, խորհրդակցությունների դահլիճ, ինչպես նաև նախատեսվել են առանձին սենյակներ՝ իրեղեն ապացույցների պահպանման, անչափահասների հարցաքննության համար։
1-ին և 2-րդ հարկերում տեղակայված է ՀՀ քննչական կոմիտեի Սյունիքի մարզային քննչական վարչությունը՝ ընդհանուր 10 աշխատասենյակով, 3-րդ հարկում՝ ՀՀ քննչական կոմիտեի զինվորական քննչական գլխավոր վարչության 9-րդ կայազորային քննչական բաժինը՝ 6 աշխատասենյակով:
Սյունիքի մարզային քննչական վարչությունը տարածքային բաժիններ ունի նաև Գորիսում և Սիսիանում։
ՀՀ ՔԿ Նախագահը շրջայց է կատարել մարզային քննչական վարչության շենքում, ծանոթացել նոր աշխատանքային պայմաններին։ Աշխատանքային պարտականությունները բարեխիղճ կատարելու համար Սյունիքի մարզային քննչական վարչության պետ Վահրամ Դաղունցը, վարչության պետի տեղակալ Արայիկ Դարբինյանը, ԶՔԳՎ 9-րդ կայազորային քննչական բաժնի պետ Գևորգ Խալաթյանը պարգևատրվեցին գերատեսչական մեդալներով, իսկ մի շարք աշխատակիցներ խրախուսվեցին։


Մեկնաբանություններ

Համընկնող լուրեր