17:04 - Տեսանյութ. ԱԳՆ կեղծիքի, Արցախի խնդրից շեղումների, Փաշինյանի օրակարգի մասին         16:40 - ԱՆ-ն հերքում է «Պյեռլուիջի Կոլինա» անունով քաղաքացի երեխա չի որդեգրել      16:19 - Տեսանյութ. Քրեական գործ հարուցող մարմինները իշխանության ազդեցության տակ են գտնվում․ Ռոբերտ Քոչարյան    

12 մայիս 2018 11:30

Դավիթ Տոնոյանն ուժեղ նախարար է լինելու. Սեյրան Սարոյանը ափսոսում է Վիգեն Սարգսյանի համար. տեսանյութ

 
Դավիթ Տոնոյանն ուժեղ նախարար է լինելու: Այս մասին, այսօր՝ մայիսի 12-ին, «Եռաբլուր» պանթեոնում լրագրողների հետ զրույցում նշեց ՀՀԿ խմբակցության պատգամավոր, գեներալ Սեյրան Սարոյանը՝ անդրադառնալով պաշտպանության նախարարի պաշտոնում Դավիթ Տոնոյանի նշանակմանը:
«Ինքը տիրապետում է բանակին, երկար տարիներ եղել է փոխնախարար: Տոնոյան Դավիթը լուրջ դպրոց անցած մարդ է, անցել է եւ բանակը: Ես վստահ եմ, որ կլինի շատ լավ նախարար, ուժեղ նախարար է լինելու: Իր համար նորույթ չի բանակը, կադրերին ճանաչում է»,-ասաց նա:
Ինչ վերաբերում է արդեն նախկին նախարար Վիգեն Սարգսյանի գործունեությանը՝, Սեյրան Սարոյանն ասաց. «Շատերը Վիգեն Սարգսյանի համար ասում էին՝ նոր մարդ է համակարգում, բայց ինքը նոր մարդ չէր, Սերժ Սարգսյանի օգնականն է եղել այն ժամանակ, ինքն էլ բանակի կադրերի հետ աշխատել էր, ծանոթ էր: Այնպես որ, ինքն իր գործը անում էր, ափսոս, որ կիսատ մնաց: Ինքը 7 տարվա ծրագիր ուներ, կարար աշխատեր: Ես չեմ կարող ասել՝ Տոնոյանը կշարունակի այդ ծրագիրը, թե ոչ, բայց նորմալ ծրագիր էր, վատը չէր: Իսկ թե Տոնոյանն ինչ նոր ծրագիր կբերի, որքանով ավելի ուժեղ կամ թույլ կլինի, չեմ կարող ասել»,-ընդգծեց գեներալ պատգամավորը:





Մեկնաբանություններ

Համընկնող լուրեր