13:01 - Պրն վարչապետ, փոխե՛ք Ձեր հաղորդակցության ռազմավարությունը,դուք անգրագետ, գռեհիկ կարծիքներ կարդալուց լա՞վ եք զգում         12:53 - Մեկ տարեկան աղջկա մահվան դեպքի առթիվ հարուցված քրգործով մեղադրանք է առաջադրվել բուժող բժշկին      12:34 - Ռուսական Առաջին ալիք.«Եղբայրական Հայաստանում» կորոնավիրուսի հետ կապված իրավիճակը լուրջ անհանգստություն է առաջացնում    

03 նոյ 2018 12:02

Ձայնային ազդանշանի կոճակը թույլ չտվեց դիմակավորված ու զինված անձանց մուտք գործել

Ձայնային ազդանշանի կոճակը թույլ չտվեց դիմակավորված ու զինված անձանց մուտք գործել SHAMSHYAN.com-ի տեղեկություններով՝ Հայաստանի քննչական կոմիտեի Արմավիրի մարզային քննչական վարչությունում հարուցվել է քրեական գործ՝ ՀՀ քր. օր-ի՝ ավազակային հարձակում հատկանիշներով։ Ինչպես հայտնում է ֆոտոլրագրող Գագիկ Շամշյանը, երեկ՝ նոյեմբերի 2-ին, գիշերը ժամը 04։00-ի սահմաններում Ոստիկանության Արմավիրի բաժին ահազանգ է ստացվել, որ Արմավիր քաղաքի Երևանյան փողոցի թիվ 25/1 հասցեում գտնվող «Ֆաստ Կրեդիտ ՈՒՎԿ» ՓԲԸ-ում դիմակավորված ու զինված անձինք հարձակվել են աշխատակցի վրա, երկաթա լինգով հարվածել ու կոտրել ապակին և զենքի սպառնալիքով գումար են պահանջում։ Դեպքի վայր են ժամանել Ոստիկանության Արմավիրի մարզային վարչության օպերատիվ խումբը՝ վարչության պետի ժամանակավոր պաշտոնակատար Սամվել Խմելյանի և Ոստիկանության Արմավիրի բաժնի օպերատիվ խումբը՝ բաժնի պետ Դավիթ Սարգսյանի գլխավորությամբ։ Ժամանել են նաև Հայաստանի քննչական կոմիտեի Արմավիրի մարզային քննչական վարչության քննիչները։
Ոստիկաններն ու քննիչները պարզել են, որ ժամը 04։00-ի սահմաններում անհայտ անձը դիմակավորված, մուտք է գործել նշված «Ֆաստ Կրեդիտ» ընկերության տարածք, մոտեցել դրամարկղի մոտ, այնուհետև դեպի ետնամաս նայող պատուհանի փեղկը բացել է, որից հետո մեկ այլ դիմակավորված անձ հրազենը պահել է դրամարկղի ուղղությամբ գտնվող աշխատակցի վրա, իսկ ներսում գտնվող մյուս դիմակավորվածը փորձ է կոտրել դրամարկղի զրահապատ ապակին։ Ստահակները իրենց գործն ավարտին չեն կարողացել հասցնել, քանի որ ներսում ծառայություն կատարող Ոստիկանության պետական պահպանության գլխավոր վարչության Արմավիրի պահպանության բաժանմունքի հետ միացված անվտանգության համակարգի ձայնային ազդանշանի կոճակը Ոստիկանության ծառայողը հասցրել է սեղմել և դա նկատելով՝ դիմակավորված ճիվաղները դիմել են փախուստի։ Ոստիկանությունն ու քննչական բաժինը ձեռնարկում են անհրաժշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, կատարողներին հայտնաբերելու ուղղությամբ։

Մեկնաբանություններ

Համընկնող լուրեր