21:47 - Բակո Սահակյանն ի՞նչ հարցեր է քննարկել «Իմ քայլի» պատգամավորների հետ. Տեսանյութ         18:55 - Քոչարյանի և մյուսների գործով վարույթը կասեցվել և ուղարկվել է ՍԴ      17:24 - Հայաստանը թալանած բոլոր անձինք թող գնան, նստեն. վարչապետի ուղիղ եթերից հետո գյումրեցիները բացեցին դատարանի մուտքը    

15 մայիս 2019 12:35

Տեսանյութ. Ես մենակ «այո՛», «այո՛» էի ասում, չեմ պատկերացրել, որ նման բան ա եղել. իսլամ ընդունած երեխայի մոր պարզաբանումը

Օրեր առաջ լրատվամիջոցների ուշադրության կենտրոնում հայտնվեց Արթուր անունով 13-ամյա հայ տղան, ով թուրքական հեռուստաալիքներից մեկի ուղիղ եթերում փոխել էր իր կրոնն ու անունը: Այս տեսանյութը բուռն արձագանք ստացավ: SHANTNEWS.am-ը կապ հաստատեց Արթուրի և նրա մոր հետ, ովքեր պարզաբանումներ ու մանրամասներ են ներկայացրել:

«Սյուզան անունով մի կին էր, ասաց՝ ինչ ասեմ նրան: Ասաց՝ էսօր ծնունդն է, ձեռքը կպաչես»,- պատմեց Արթուրը:
Մայրը, նրան ընդհատելով, պարզաբանեց.
«Էդ մարդու ծնունդը (թուրք հոգևորականի), էդ էլ չեմ իմացել, հիմա է ասում»:
«Ասեց՝ մենք քո մամայի հետ խոսել ենք, ասեց՝ ես ինչ ասեմ, իմ հետևից կասես, էդքան: Ու ասեցի, պրծա»,- ասաց Արթուրը:
Տղայի մայրը պատմեց.
«Ես նույնիսկ տանը չեմ եղել, որ հեռուստացույցով դիտեմ իմ երեխային: Ես դրսում եմ, ինձ զանգ է եկել, մի աղջիկ է զանգել, ասել է՝ Արթուրի մա՞յրն եք, ասել եմ՝ այո: Ես առևտուր էի անում էդ ժամանակ, այնտեղ, թե ինչ էին խոսում, ես մենակ «այո», «այո» էի ասում: Չեմ պատկերացրել, որ նման բան ա եղել, ես չեմ պատկերացրել, որ ինքը բեմին է կանգնելու, նման արտահայտություն է լինելու: Եթե իմանայի՝ նման բան է լինելու, ինքս էլ կգնայի, կլսեի, ինձ ոչ ոք գումար չի առաջարկել: Ես Արթուրին ասացի՝ քեզ փող առաջարկե՞լ են, ասեց՝ չէ, մամա: Ես խոսել եմ Գարո Փայլանի հետ, ասաց՝ այդ հարցը բարձրացրել է, ես որ ասեմ՝ բողոքել, բան, չեմ ուզել: Ես 12 տարի է՝ այստեղ եմ, աշխատում եմ խանութում, իմ երեխային փոքրուց պահել, մեծացրել եմ»:
Նա ասաց, որ երեխայի հետ նման կերպ վարվելու իրավունք չունեին՝ անկախ երեխայի ազգությունից ու կրոնական պատկանելությունից:
Երեխայի մայրը զանգահարել է Թուրքիայի Մեջլիսի հայ պատգամավոր Կարո Փայլանին և հայտնել, որ ինքը համաձայնություն չի տվել, և այդ ամենը տեղի է ունեցել իր չիմացությամբ: Մինչդեռ հաղորդավարը նշել էր, որ ստացել է Արթուրի ծնողների համաձայնությունը:
Կարո Փայլանը հայտարարել է Նիհաթ Հաթիփօղլուի դեմ դատական հայց ներկայացնելու մտադրության մասին և հավելել, որ հայտարարության տեքստը կտրամադրի նաև լրատվամիջոցներին։




Մեկնաբանություններ

Համընկնող լուրեր