13:11 - Հարված ադրբեջանցիներին՝ գոտկատեղից ցած.Ավիաընկերությունն Արցախն ընդգրկել է Հայաստանի կազմի մեջ         13:10 - Տեսանյութ. Դատարկ-դատարկ խոսում ես. հենց դու քո ցեղով գնա օրենքին ենթարկվի, ազգի բոլոլա եք սարքել      12:48 - Մեր շանսը Վաշինգթոնում. վաղվա հանդիպումը կարող է շրջադարձային դառնալ ԼՂ կարգավորման փաշինյանական փուլի համար    

18 մայիս 2019 16:45

Գրեց, հետո՝ ջնջեց.Երկու պետությունների իշխանությունների կողմից ենթարկվում եմ տեռորի

Արցախի Հանրապետության բնապահպանության ու բնական ռեսուրսների նախարարության մամուլի խոսնակ Բելլա Լալայանը ֆեյսբուքյան իր էջում մայիսի 16-ին աղմկահարույց գրառում էր կատարել` վիրավորելով ՀՀ վարչապետ Նիկոլ Փաշինյանին: Գրառումը համացանցում քննարկումների տեղիք էր տվել:
Այսօր արդեն նա ֆեյսբուքյան էջում տեղեկացրել է աշխատանքից ազատման մասին. «Եվ այսպես
ՖԲ իմ անձնական էջում իմ անձնական կարծիքն արտահատելու համար՝ քանի օր է, երկու պետությունների իշխանությունների կողմից ենթարկվում եմ, բառիս բուն իմաստով, տեռորի.
սպառնալիքներ՝ ընդհուպ մինչև ֆիզիկապես ոչնչացման,
ահաբեկելու ու ճնշելու փորձեր. և դա խոսքի ազատության, ժողովդրավարություն հռչակած երկրում…
Այս հանգամանքին դեռ անդրադառնալու եմ: Իմ մեղքով վատ վիճակում է հայտնվել նաև նախարարությունը, որը ներկայացնում եմ ես,ուստի և. որոշել եմ թողնել բնապահպանության և բնական ռեսուրների մամուլի խոսնակի պաշտոնը…
օրեր առաջ գրել էի, որ իմ պայքարի ոչ աղքատ փորձի ճանապարհին ես շատ ու ավելի կարևոր բաներից եմ հրաժարվել՝ իմ տեսակետը, դիրքորոշումը և ԽՈՍՔՍ պաշտպանելու համար:
Հայտարարում եմ.
Տականքն ամեն ուղղությամբ արտոնություն է ստացել,
խոսքի ազատությունը հակապետական ու ապազգային թափոնինն է…
Մեր բոլորի աչքի առաջ հեղինակազրկվում են ՀԵՐՈՍՆԵՐ,
ոչնչացվում են գաղափարներ, որոնց համար 30 տարի կյանքից խաղաղություն ենք ճանկռտում՝ հազարավոր կյանքեր մատաղ բերելով ապրելու իրավունքին…
Ոտատակ են տալիս սրբության-սրբոց նպատակը՝ հանուն որի 30 տարի առաջ համախմբվեց աշխարահասփյուռ հայությունը: …
Ուրանում են ՀԱՂԹԱՆԱԿԸ, որը ցեղասպանված ժողովրդի բարդույթն ուղարկեց անցյալ…
Մեր բոլորիս աչքի առաջ խոցելի վճակում են մարդիկ, ովքեր հավատարիմ են պետությանը, պետական գաղափարախոսությանը, ազգային արժեհամակարգին…
ՄԵՆՔ Նոր ցեղասպանության ուղին ենք թևակոխել:
Քանի դեռ պետական մակարդակով սահմանված չի պատիժ այսքանի համար, առավել ևս, Արցախի, ասել է թե՝ համայն հայությունը միավորող գաղափարի հետ կապված ցանկացած ոտնձգության, դավաճան հայտարարության համար, ուրեմն` շարունակում ենք դոփել նոր ցեղասպանության ճանապարհով դեպի այն հանգրվանը, որից հետո նորից մի 100 տարի պիտի ողբանք, բայց այս անգամ արդեն բոլորով՝ անհայրենիք…
Պնդում եմ կրկին, այո, փոխվել են արժեքները ու իմ ուղեղը կատեգորիկ ընդդիմանում է ընդունել կամ ըմբռնել այդ արժեքները և թե ինչպես ենք պատրաստվելու թշնամուն դիմակայել այդ արժեքներով: Ես մնում եմ ու մնալու եմ հավատարիմ իմ սկզբունքներին, իմ դավանած արժեքներին, պետականակերտմանը, նույնիսկ, եթե երկու երկրների իշխանությունները իմ տեսակետի համար ինձ հետապնդեն, հալածեն, ահաբեկեն իրենց խամաճիկների միջոցով»,-գրել է նա:


Նշենք, որ գրառումը կատարելուց ժամեր անց, նա ջնջել է այն:

Մեկնաբանություններ

Համընկնող լուրեր