18:41 - Աշուղ Ջիվանու և Վահան Տերյանի ծննդավայրերում կրկին տոն էր. Տեսանյութ         17:59 - Թուրքիայում Հայաստանի քաղաքացի է բերման ենթարկվել      17:07 - Նազիկ Ամիրյանը հերքում է, որ ամուսինն է տարիներ առաջ շղթայած անձին կտտանքների ենթարկել    

29 հուն 2019 14:23

Թուրքիայի հանդեպ պետք է արդար գտնվենք, Թուրքիան ԱՄՆ-ի բարեկամն է. Թրամփ

Թուրքիայի նախագահ Էրդողանը G-20-ի գագաթնաժողովի շրջանակներում հանդիպել է ԱՄՆ նախագահ Դոնալդ Թրամփի հետ: Այս մասին հայտնում է թուրքական «hurriyet»-ը:
Թրամփը նախ նշել է, որ Օբամայի նախագահության տարիներին Թուրքիայի նկատմամբ արդար չեն գտնվել, քանի որ վերջինիս չի թույլատրվել գնել «Patriot» համակարգերը: Իսկ լրագրողների այն հարցին, թե արդյոք S-400-ների գնման դեպքում ԱՄՆ-ն պատժամիջոցներ կկիրառի Թուրքիայի նկատմամբ, Թրամփը պատասխանել է.
«Այս հարցը մի փոքր խճճված է, տարբեր լուծումներ ենք փնտրում: Թուրքիայի հանդեպ պետք է արդար գտնվենք: Թուրքիան ԱՄՆ-ի բարեկամն է և առևտրային գործընկերը»:

Թրամփը ընդգծելով, որ Թուրքիայի հետ հարաբերությունները գնալով առաջընթաց են ապրում, նշել է. «Մեր նպատակն է քառապատկել առևտրի ծավալները: Թուրքիան շատ լավ արտադրանք ունի: Սակայն, մեր հարաբերությունները զարգանում են նաև ռազմական ոլորտում»:
Էրդողանը նույնպես բարձր գնահատելով Թուրքիայի և ԱՄՆ-ի հարաբերությունների առաջընթացը, հայտնել է. «Նախ և առաջ մենք ռազմավարական գործընկերներ ենք: Այն, իհարկե, հիմնված է բազմաթիվ ոլորտներում փոխադարձ հանդուրժողականության վրա: Ես համոզված եմ, որ նույն կերպ էլ շարունակվելու է»:

Մեկնաբանություններ

Համընկնող լուրեր