25-ամյա երիտասարդն առևանգել է 24-ամյա աղջկան, ձեռքերով և ոտքերով բազմաթիվ հարվածներ է հասցրել          Հայասատանն ունի՞ տարածքային պահանջներ.ՀՀ պետական զինանշանի վրա Արարատ սարն է, որի նկատմամբ հայերը հավակնություններ ունեն       Ադրբեջանցիների՝ Արցախի որոշ գյուղեր մտնելու, բնակիչների՝ սեփական ուժերով նրանց հակազդելու լուրերը սուտ են. ԱՀ ԱԱԾ    

06 օգոս 2019 14:30

Տղամարդը, որը հազվագյուտ հիվանդության պատճառով ատամներ չունի, հռչակվել է նորաձեւության աշխարհում

Մինեսոտայից 23-ամյա Ջո Թոու Վուա Լին ի ծնե տառապում է հազվագյուտ հիվանդությամբ՝ էկտոդերմալ դիսպլազիայով, որն արտահայտվում է մասնավորապես ատամների եւ մազերի անոմալիայով:
The Daily Mail-ը հայտնում է, որ հիվանդության պատճառով Ջոյի քրտնագեղձերը վատ են գործում, եւ քրտինք չի արտադրվում անգամ բարձր ջերմաստիճանների ժամանակ: Իր հանդեպ անվստահությունը հաղթահարելու եւ նույնպիսի ախտորոշմամբ այլ մարդկանց ոգեշնչելու համար տղամարդը որոշել է մտնել նորաձեւության աշխարհ: Նրա խոսքով՝ այդ կերպ կարող ես քո ուշադրությունը կենտրոնացնել ոչ թե արտաքինիդ, այլ ձգտումներիդ վրա:
Էկտոդերմալ դիսպլազիան էկտոդերմի գենետիկ ախտահարման հետեւանք է: Զարգացման այս շեղումը չափազանց հազվադեպ է հանդիպում. օրինակ՝ ԱՄՆ-ում ցուցանիշը կազմում է 10 հազար ծնունդին 3,5: Էկտոդերմալ դիսպլազիան չի բուժվում, եւ խոսքը կարող է վերաբերել միայն հիվանդների կյանքի որակի բարձրացմանը (օրինակ՝ ատամի պրոթեզ ատամների բացակայության խնդրի լուծման համար, մազերի խնամքի հատուկ հանձնարարականներ եւ այլն):
Ջոն խոստովանում է, որ իր արտասովոր արտաքինի պատճառով անչափ ամաչկոտ էր եւ չէր կարողանում ընկերներ ձեռք բերել: Նա ինչ-որ պահի դեպրեսիայի մեջ է հայտնվել, սակայն որոշել է իրեն հավաքել եւ լրջորեն զբաղվել է պրոֆեսիոնալ ըմբշամարտով, ինչն օգնել է նրան լավ մարզավիճակի հասնել:
Ջոն հիմա կատարում է հագուստի ոճերի փորձարկումներ եւ իր լուսանկարները հրապարակում է Instagram-ում: Դրական արձագանքները նրան օգնում են առաջ ընթանալ: «Իմ օրինակով ես ձգտում եմ ոգեշնչել գենետիկ հիվանդություններով տառապող այլ մարդկանց: Անհրաժեշտ է հաղթահարել անվստահությունը եւ չվախենալ անել այն, ինչը դուր է գալիս»,- ասում է նա:


Մեկնաբանություններ

Համընկնող լուրեր