18:00 - Լուկաշենկոն Ուկրաինան անվանել է «Եվրոպայի ընդհանուր դժբախտությունը»         17:21 - «Փորձել են վնասել երեխաների՞ն».ով է Էջմիածնում թափառող շների սպանդ իրականացրել      16:57 - Ոստիկանությունը՝ Իջևանի դեպքերի մասին. Գիշերային ժամերին ձերբակալում    

22 օգոս 2016 15:10

«Սասնա ծռեր» խմբի բոլոր անդամների բուժումը կատարվել է քրեակատարողական հիմնարկի բուժանձնակազմի կողմից

Սկսած «Սասնա ծռեր» խմբի անդամների՝ «Դատապարտյալների հիվանդանոց» ՔԿՀ-ում գտնվելու առաջին օրվանից` նրանց բոլորի բուժումն ու խնամքը գերազանցապես կատարվել է քրեակատարողական հիմնարկի բուժանձնակազմի կողմից: Այս մասին նշվում է քիչ առաջ ՀՀ արդարադատության նախարարության Քրեակատարողական վարչության հանրային կապերի բաժնի տարածած հայտարարության մեջ։ 

ՔԿՎ հանրային կապերի բաժինը, մասնավորապես, պարզաբանումներ է ներկայացնում զանգվածային լրատվության միջոցներում «Սասնա ծռեր»  խմբի` ՀՀ ԱՆ «Դատապարտյալների հիվանդանոց» քրեակատարողական հիմնարկում գտնվող կալանավորված անձանց փաստաբանների կողմից հնչեցված ահազանգ վերաբերյալ։

Փաստաբաններն ահազանգում էին, որ  «Դատապարտյալների հիվանդանոց քրեակատարողական հիմնարկում այսօրվանից հերթապահություն չեն իրականացնում Էրեբունի բժշկական կենտրոնի բուժակները, ովքեր բուժօգնություն էին ցուցաբերում «Սասնա ծռեր» խմբի վիրավոր անդամներին»։

«Ինչ վերաբերում է «Էրեբունի» ԲԿ-ի 1 բուժակի` քրեակատարողական հիմնարկում այսօրվանից չգտնվելուն, հայտնենք, որ այդ անհրաժեշտությունը պայմանավորված էր կալանավորված անձանց` այդ բժշկական կենտրոնում վիրահատվելուց հետո 1-ին շրջանի հետվիրահատական հնարավոր խնդիրների բացառմամբ:

Այսօր այդ անհրաժեշտությունն այլևս չկա, և «Դատապարտյալների հիվանդանոց» ՔԿՀ-ում առկա են բոլոր պայմանները վերոնշյալ անձանց բուժումն ու խնամքը քրեակատարողական հիմնարկի բուժանձնակազմի կողմից շուրջօրյա ռեժիմով ապահովելու համար»,- հայտնում են ՔԿՎ հանրային կապերի բաժնից։

Մեկնաբանություններ

Համընկնող լուրեր