17:00 - Իրանի նախագահն Իսրայելին և ԱՄՆ-ին մեղադրել է երկրում անկարգությունների կազմակերպման մեջ         16:25 - Տեսանյութ. Նոր Հաճնում հողին հանձնեցին գազի թունավորումից մահացած ընտանիքին      16:15 - Գարեգին Նժդեհի մասին վարչապետի գիտելիքներն ու կցկտուր պատասխաններն արդեն անընդունելի են    

25 օգոս 2016 09:52

Ուսումնական հաստատություններում կայուն կերպով կրճատվում է ուսուցիչների թվաքանակը. «ՀԺ»

«Հայկական ժամանակ» թերթը գրում է. «Վերջին տարիներին Հայաստանում գործող հանրակրթական ուսումնական հաստատություններում կայուն կերպով կրճատվում Է ուսուցիչների թվաքանակը։ Ընդ որում, դա վերաբերում Է թե՛ պետական և թե ոչ պետական դպրոցներին։ Ու եթե սկզբում ուսուցիչների թիվը համեմատաբար «զգուշորեն» Էր նվազում, հետագայում տեմպերն արագացել են։ Այսպես, օրինակ, 2011-2012– ուսումնական տարում Հայաստանում գործող պետական դպրոցներում աշխատել Է 40 հազար 715 ուսուցիչ, 2012-2013 ուսումնական տարում` 39 հազար 566։ Արդեն 2013-2014 ուսումնական տարում ուսուցիչների թիվը դարձել Է 38 հազար 483, 2014– 2015 ուսումնական տարում՝ 37 հազար 560։
 
Այսինքն` տարեկան կրճատվել Է մոտ հազար մարդ։ Բայց արդեն հաջորդ ուսումնական տարվան վերաբերող ամփոփ տվյալներից պարզ Է դառնում, որ աշխատանքից ազատված ուսուցիչների թվաքանակը կրճատվել Է մոտ երկու հազարով։ 2015-2016 ուս տարում հայաստանյան պետական դպրոցներում աշխատել Է 35 հազար 972 ուսուցիչ։

ՀՀ կրթության և գիտության նախկին նախարար Արմեն Աշոտյանի պաշտոնավարման ընթացքում գերատեսչության քաղաքականությանը հետևյալն Էր, ուսուցիչը պետք Է աշխատի լրիվ ծանրաբեռնվածությամբ, որպեսզի դպրոցը միայն զբաղվածության խնդիր չլուծի՝ կրթության որակն ու նաև արժանապատիվ աշխատավարձի հնարավորությունը երկրորդ պլան մղելով։ Արդյունքում սկսեցին դպրոցից դուրս մղվել այն մանկավարժները, որոնք աշխատում Էին քիչ դասաժամերով և ստանում ցածր վճար»։
 
Մանրամասները՝ թերթի այսօրվա համարում։

Մեկնաբանություններ

Համընկնող լուրեր