17:18 - Տեսանյութ. Մալախովն իր կնոջ հետ լոգարանում ամբողջովին մերկ տեսանյութով պատասխանել է Քսենիա Սոբչակին         17:00 - Հանգուցյալ բժշկի տանը հայտնաբերվել են չծնված 2200 երեխաների մնացորդներ      16:24 - Ես վերադառնում եմ, որովհետև տեսնում եմ, թե երբեմն որքան անխնա եմ վարվում իմ թողած ժառանգության հետ. Հովհաննես Ազոյան    

26 օգոս 2016 16:29

Ռուս զինծառայող է մահացել Արմավիր-Գյումրի ճանապարհին տեղի ունեցած վթարից

Արմավիր-Գյումրի ավտոճանապարհի  Արտենի-Գետափ հատվածում օգոստոսի 25-ին մահացու ելքով վթարի հետեւանքով տուժած`  ՌԴ ՍԶ N զորամասի զինծառայող, կապիտան, 48-ամյա Ալեքսանդր Սվիտկոյը նույնպես մահացել է: Այս մասին հայտնեցին «Սուրբ Գրիգոր Լուսավորիչ» բժշկական կենտրոնից, որտեղ նա գտնվում էր:

Ռուս զինծառայողը ստացել էր ծանր գանգուղեղային վնասվածքներ: Նա մահացել է այսօր՝ օգոստոսի 26-ին, 2 ժամ առաջ:
Արմավիր-Գյումրի ավտոճանապարհի  Արտենի-Գետափ հատվածում ՌԴ ՍԶ N զորամասի զինծառայող, կապիտան Ալեքսանդր Սվիտկոյի կողմից վարվող «Միթսուբիշի Պաջերո» մակնիշի ավտոմեքենան դուրս  էր եկել ճանապարհի աջ կողնակ եւ կողաշրջվել ձորակի մեջ:

Վթարի հետեւանքով ստացած մարմնական վնասվածքներից ավտոմեքենայի ուղեւոր, ՌԴ ՍԶ N զորամասի պայմանագրային զինծառայող, 38-ամյա Արտակ Պետրոսյանը տեղում մահացել էր, իսկ Ա. Սվիտկոն անգիտակից վիճակում տեղափոխվել էր բժշկական կենտրոն:
Դեպքի առթիվ ՀՀ քննչական կոմիտեի ԶՔԳՎ տասներորդ կայազորային քննչական բաժնում հարուցվել  է քրեական գործ՝ ՀՀ քրեական օրենսգրքի 242-րդ հոդվածի 2-րդ մասով:


Մեկնաբանություններ

Համընկնող լուրեր