17:00 - Կունենք կարճատեւ շոգեր՝+37․․․+38 աստիճանի         16:35 - Պետական կառույցները մեզնից գնում չեն անում, խոշոր խաղացողներ են մտել շուկա. գուցե դադարեցնենք մեր հայկական դիմակների արտադրությունը      16:15 - Սահմանին կրակոցների թիվն ավելացել է. ՊԲ    

06 սեպ 2016 10:20

Այսօր-վաղը ձեռք կբերվի «պատմական» համաձայնությունը. «Իրատես»

«Իրատես de facto» թերթը գրում է. 
 
«Չնայած կառավարությունում չեն ցանկանում խոսել տևական ժամանակ միջազգային հայտնի ընկերություններից մեկի հետ «Նաիրիտի» վերագործարկման առնչությամբ տարվող բանակցությունների մասին՝ պատճառաբանելով, թե կխոսեն միայն պայմանավորվածությունների վերջնական ձեռքբերումից հետո, որովհետև անցնող տարիներին հարցն անչափ շատ է չարչրկվել, դարձել է անգամ քաղաքական շահարկումների թեմա, ուստի նախաձեռնությունների փաթեթը կոնկրետացնելու դեպքում միայն կբարձրաձայնեն «Նաիրիտի» վերագործարկման մեկնարկի մասին, այնուհանդերձ մեզ հայտնի դարձավ, որ «Նաիրիտի» շուրջ բանակցություններն ընթացել են բավականին արդյունավետ, այսօր-վաղը Հայաստան կժամանեն միջազգային այդ կազմակերպության ներկայացուցիչները, ըստ ամենայնի, ձեռք բերելու «պատմական» համաձայնությունը: Ի դեպ, մինչ այժմ եղած առաջարկների մեջ այս ընկերության ներկայացրած փաթեթն ամենագրավիչն է լրջագույն բիզնես-ծրագիր ներդրումների ու զարգացման ռեալ հեռանկարներով։
 
Հիշենք, որ վերջերս «Նաիրիտի» նկատմամբ հետաքրքրություն էր դրսևորում նաև EU-ASIA Business Finance Centre հոլդինգի նախագահ Աշոտ Գրիգորյանը, սակայն մինչ այժմ այդ հոլդինգը որևէ գործնական ծրագիր չէր ներկայացրել, և այսօր Հայաստան ժամանող կազմակերպությունը, որի անունն ի վերջո հայտնի կդառնա այս օրերին, որևէ կապ չունի այդ հոլդինգի հետ»: Ավելի մանրամասն՝ թերթի այսօրվա համարում։ 

Մեկնաբանություններ

Համընկնող լուրեր