21:47 - «Նորք ինֆեկցիոն»-ում 78-ամյա կին է մահացել, նա ՀՀ քաղաքացի չէ         20:50 - ԵՄ-ն Հայաստանին 51 մլն եվրո աջակցություն կցուցաբերի կորոնավիրուսային համավարակի դեմ պայքարելու նպատակով      20:10 - Վիտալի Բալասանյանը երկրորդ փուլում չի պաշտպանի թեկնածուներից որևէ մեկին    

31 հոկ 2016 15:26

Բակո Սահակյանը պետական պարգեւներ է հանձնել

 
Արցախի Հանրապետության Նախագահ Բակո Սահակյանը հոկտեմբերի 31-ին մասնակցել է ԼՂՀ ԿԱ արտակարգ իրավիճակների պետական ծառայության աշխատակցի օրվան նվիրված հանդիսավոր միջոցառմանը:

Նախագահը պետական պարգեւներ է հանձնել կառույցի մի խումբ աշխատակիցների` ծառայողական պարտականությունները բարեխղճորեն կատարելու, ծառայողական պարտականություններն իրականացնելիս ցուցաբերած արիության ու խիզախության համար եւ մասնագիտական տոնի կապակցությամբ:
Իր խոսքում Բակո Սահակյանը շնորհավորել է գերատեսչության աշխատակիցներին եւ նշել, որ այսօր մենք ունենք պատրաստված, արհեստավարժ, անձնվիրաբար իրենց պարտականությունները կատարող փրկարարներ ու հրշեջներ, իրենց գործին գիտակ մասնագետներ, ովքեր մյուս շահագրգիռ կառույցների ներկայացուցիչների հետ միասին գործուն մասնակցություն են ունենում հանրապետական նշանակության միջոցառումների հաջող ու արդյունավետ անցկացմանը: Երկրի ղեկավարն ընդգծել է, որ պետությունն այսուհետ եւս կանի հնարավորը արտակարգ իրավիճակների պետական ծառայության առջեւ ծառացած խնդիրների լուծմանը, ծառայողների աշխատանքային եւ սոցիալական պայմանների բարելավմանն ըստ ամենայնի աջակցելու ուղղությամբ:

Մեկնաբանություններ

Համընկնող լուրեր