12:10 - «Երկիր Ծիրանի» կուսակցության Երևանի ավագանու անդամների ասուլիսը՝ՈՒՂԻՂ         12:00 - Սիմոն Մարտիրոսյանը հռչակվեց աշխարհի չեմպիոն      11:45 - Հորոսկոպի որ նշանն այսօր պետք է խուսափի վեճերից.Օրվա աստղագուշակ    

01 նոյ 2016 20:00

Ես հավատում եմ իմ կյանքի գալիք սիրո պատմությանը․ Հրաչուհի Ութմազյանը

 
Wnews.am-ը զրուցել է հաղորդավարուհի, դերասանուհի Հրաչուհի Ութմազյանի հետ  գրքերի մասին: Չնայած զբաղվածությանը՝  նա միշտ ժամանակ ունի գիրք կարդալու համար:

–Հիշո՞ւմ եք Ձեր առաջին գիրքը: Քանի՞ տարեկան էիք, երբ կարդացիք:
-Առաջին գիրքը, ինչպես և շատ երեխաների համար եղել է Այբբենարանը, երբ գնացի դպրոց: Իսկ հետո մանկական Աստվածաշունչը, արդեն ութ տարեկանում:
Տարիքի հետ ինչպե՞ս է փոխվել գիրք կարդալու Ձեր ժանրային նախասիրությունները։
-Տարիքի հետ փոխվել է ընկալումս: Ես նույն գիրքը կարող եմ կարդալ կյանքիս տարբեր շրջաններում ու ընկալել նորովի: Հերոսներին ճանաչել նորից ու դիտարկել կյանքիս տվյալ շրջանի պրիզմայից:
– Հեղինակներ, որոնց գրքերը հետևողական, իրար հաջորդելով կարդացել եք:
-Շատ հեղինակներ կան, ում գրքերը կարդացել եմ մեկը մյուսից հետո: Հիմնականում դպրոցական տարիներին: Ռուսական գրականության պարագայում հատկապես. Գոգոլ, Չեխով, Տուրգենեվ ու այպես շարունակ…Երբ փոքր էի ու ինչ-որ նոր գիրք կարդալուց առաջ հարցնում էի ծնողներիս գրքի մանրամասների մասին, մինչ ինքս կկարդայի, երբեմն նրանք կարող էին ինձ պատասխանել, որ չեն հիշում, վաղուց են կարդացել: Ես էլ զարմանում էի. ինձ թվում էր, թե գիրքը մեկ անգամ կարդալուց հետո պետք է որ հիշես ողջ կյանքիդ ընթացքում ու մանրամասնորեն: Հիմա եմ միայն հասկանում ծնողներիս:
– Գրքեր, որոնք կիսատ եք թողել և ինչու:
-Ես աշխատում եմ կյանքում ոչինչ կիսատ չթողնել՝ առավել եւս գրքերը:
– Գրքի հերոսուհիներ, կերպարներ, որոնց մեջ Ձեզ տեսնում եք,նմանեցնում եք:
-Հետաքրքրիր է, բայց երբեք չեմ մտածել այդ մասին: Ես հերոսներին ընկալել եմ իրենց տեսակի մեջ, ինչպես եւ իրական կյանքում մարդկանց պարագայում. չէ՞ որ այդ հերոսները կյանքից են վերցված: Բայց ինքս ինձ հետ չեմ համեմատել երբեւէ:
– Ձեր կարդացած սիրո պատմությունը, որին հավատում եք:
-Ես հավատում եմ իմ կյանքի գալիք սիրո պատմությանը:
– Գիրք, որի վերջաբանն այլ կերպ կգրեիք:
-Իմ գրքի վերջաբանը, որը մի օր անպայման գրելու եմ:
–Գիրք, որը հիմնովին փոխել է Ձեր աշխարհայացքը։
-Չկա այդպիսի գիրք, որը լիովին ու հիմնովին փոխել է իմ աշխարհայացքը: Ամեն գրքի մեջ կա իր ճշմարտության հատիկը, որը վերցնում ես քեզ հետ, բայց դա չի կարող լիովին փոխել աշխարհի իմ ընկալումը ամբողջովին:
– Հիմա ի՞նչ գիրք եք ընթերցում:
-Այս պահին կարդում եմ Վիլյամ Սարոյանի «Մարդկային կատակերգություն» վիպակը:
–Երեք must- read գրքեր՝ Հրաչուհի Ութմազյանից:
-Դժվար է առանձնացնել միայն երեքը, բայց կփորձեմ.
Աննա Գավալդա «Պարզապես միասին»
Նարինե Աբգարյան «Երկնքից ընկավ երեք խնձոր»
Վ. Սարոյան «Մարդկային կատակերգություն»
Դե իսկ Անտուան դը Սենտ-էքզյուպերիի «Փոքրիկ իշխանը» պետք է կարդան բոլորը, շատ անգամներ, յուրաքանչյուր տարիքում ու ընկալեն այն փոքրիկ ճշմարտությունները, որոնք իրականում շատ կարևոր են ու ապրեցնող:


Մեկնաբանություններ

Համընկնող լուրեր