10:45 - Խոսրով Հարությունյանը մինչ հարց հնչեցնելն իր պարտքն էր համարում քծնել պաշտոնյաներին.«Հրապարակ»         10:30 - Գործարար Ռուբեն Վարդանյանն առաջիկայում Երևան քաղաքում նոր բիզնես կենտրոն կբացի. ՀԺ      10:15 - Հրազդանի քաղաքապետ Արամ Դանիելյանը քաղաքապետարանում իրեն շրջապատել է հարազատներով. «Հրապարակ»    

02 դեկ 2016 15:45

Թուրքիայի արդարադատության նախարարությունը տեղյակ չէ, թե որքան ձերբակալված լրագրող կա երկրում

Թուրքիայի քրդամետ Ժողովրդադեմոկրատական կուսակցության անդամ, խորհրդարանի` Ադանայից ընտրված պատգամավոր Մերալ Դանըշ Բեշթաշը գրավոր հարցում է ուղղել խորհրդարանի նախագահությանը՝ խնդրելով պատասխանել, թե ներկա պահին Թուրքիայում որքան ձերբակալված լրագրող կա:
Խորհրդարանն, իր հերթին, հարցում է հղել Արդարադատության նախարարությանը, որտեղից պատասխանել են, որ ձերբակալված լրագրողների թիվն իրենց հստակ հայտնի չէ: Այս մասին գրում է թուրքական diken.com.tr կայքը:
Հիշեցնենք, որ շաբաթներ առաջ Թուրքիայի ոստիկանությունն Անկարայում հատուկ գործողություն է իրականացրել ընդդիմադիր «Ջումհուրիյեթ» թերթի աշխատակիցների դեմ: Խուզարկություններ են իրականացվել թերթի տնօրենի, խմբագիրների և մի շարք սյունակագիրների տներում: Ձերբակալված է նաև թերթի գլխավոր խմբագիր Մուրադ Սաբունջուն:

Մեկնաբանություններ

Համընկնող լուրեր