Վրացական դատարանը հեռակա կարգով Սաակաշվիլիին դատապարտել է 3 տարվա ազատազրկման
Թբիլիսիի դատարանը Վրաստանի նախկին նախագահ Միխեիլ Սաակաշվիլիին դատապարտել է 3 տարվա բանտարկության։ Այս մասին հայտնում է «Գրուզիա Օնլայնը»։Հաղորդվում է, որ քաղաքական գործիչը պատժաժամկետ է ստացել բանկիր Սանդրո Գիրգվլիանիի սպանության գործով։ Նրա դեմ առաջադրված է եղել նաև լիազորությունների չարաշահման հոդվածով մեղադրանք։
Հավելենք, որ Սաակաշվիլիի դեմ քրեական վարույթ է հարուցված նաև բյուջետային միջոցների մսխման և 2007 թվականի նոյեմբերի ցույցերը ցրելու գործով։
