Նորաշեն գյուղի մոտակայքում ավտոմեքենան արգելափակվել էր Սևանա լճում          Ապրիլի 15-ի համար ներկայացված տարադրամի փոխարժեքներն են       Զինծառայողը «Nissan»-ով հայտնվել է Ողջի գետում․ նրա մարմինը հայտնաբերել են ավտոմեքենայից դուրս    

05 սեպ 2023 16:53

Տեսանյութ.Որակական փոփոխությունների համար առաջարկում եմ հասնել կոնսենսուսային թեկնածուի, մնացած ուժերն էլ ինքնաբացարկի դիմումներ ներկայացնեն. Ն Նորիկյան

«Հայացք» մամուլի ակումբում Արդար Հայաստան կուսակցության քաղաքապետի թեկնածու Նորիկ Նորիկյանը խոսեց քարոզարշավի ընթացքի մասին:
Նորիկ Նորիկյանը ամփոփելով քարոզարշավի ընթացքը նշեց, որ Երևանի բնակիչները ցանկանում են իրենց կուսակցությանը տեսնել Երևանի ավագանիում.«Երևանցիները, այո, կուզենային մեր քաղաքական ուժին տեսնել Երևանի ավագանում և ավելին՝ ավելի մեծ քաղաքական ազդեցություն են ակնկալում տեսնել։ Այդ իսկ պատճառով մեր շանսերը գնահատում եմ շատ լավ»,- ասաց Նորիկյանը։

Նորիկ Նորիկյանը հանդես եկավ նաև քաղաքական ուժերին ուղղված առաջարկ նախաձեռնությամբ. ««Արդար Հայաստանի» նպատակն է առաջին անգամ ընտրությունների միջոցով հասնել իշխանության հեռացմանը և իրական ընդդիմության հաղթանակին: 1990-ից մինչ օրս երբեք ընդդիմությունն ընտրությունների միջոցով իշխանության չի եկել: 

Եթե դուք իսկապես ուզում եք ձևավորել Երևանում նոր իշխանություն, մենք ունենք ընդամենը երկու օր ժամանակ: Եթե այն ուժերը, որոնք իսկապես ձգտում են որակական փոփոխություններ, Երեւանում ձեւավորել նոր իշխանություն, առաջարկում եմ մինչեւ սեպտեմբերի 7-ը հասնել կոնսենսուսային թեկնածուի առաջադրմանը, իսկ մնացած ուժերը ինքնաբացարկի դիմումներ ներկայացնեն  և ամբողջությամբ սատարեն կոնսենսուսով ձեւավորված թեկնածուին: Եթե այդպիսի կենսենսուսային թեկնածու կձեւավորվի մեզնից դուրս, ես պատրաստ եմ ինքնաբացարկի դիմում ներկայացնել եւ սատարել այդ մեկ միասնական թեկնածուին: Եթե քաղաքական ուժերը կհանգեն հետեւության, որ ես կարող եմ լինել այդ կոնենսուսային թեկնածուն, ես պատրաստ եմ վերցնել այդ պատասխանատվությունը»,- հայտարարեց նա:
Ամբողջական ասուլիսը Hayacq.com-ի տեսանյութում

Մեկնաբանություններ


Համընկնող լուրեր