Պետք է մարտ-ապրիլ ամիսներին լինենք փողոցում և սատանային գահից հեռացնենք․ Զարուհի Փոստանջյան տեսանյութ
«Երկիր Ծիրանի» կուսակցության անդամները Երևանի Նալբանդյան 104 հասցեում գտնվող շենքի հարակից տարածքում նրանց ձևակերպմամբ՝ բռնաճնշումների խորհրդանիշ ԿԳԲ-ի առջև, անցկացնում են բողոքի ակցիա ընդդեմ բռնաճնշումների: Զարուհի Փոստանջյանը տեղեկացրեց, որ վայրը պատահական չի ընտրված, քանի որ այստեղ քաղաքական բանտարկյալներ են պահվել:
Նա մանրամասնեց. «Այս 25 տարիների ընթացքում նրանք շարունակել են ԿԳԲ-ի չեկիստների գործը: Հենց այնպես չենք եկել այս տարածք: Այս պատերի ներսում գտնվում է բանտախցերից ամենակարևորներից մեկը՝ ԿԳԲ-ի բանտախուցը: Չնայած այն հանգամանքին, որ դա այս պահին կոչվում է ՀՀ արդարադատության նախարարության քրեակատարողական հիմնարկ, այն տեղակայելն այս տարածքում նույնպես ապօրինի է:
Դրա մասին Մարդու իրավունքների պաշտպանությամբ զբաղվող կազմակերպությունների կողմից կան զեկույցներ: Այսօր այստեղ պահվում են քաղաքական հայացքների համար ազատազրկված մեր հայրենակիցները, այդ թվում նաև Ազգային հերոս Սամվել Բաբայանը»:
