Աղոթում եմ, որ օրհնվեն հայ ժողովրդի անվտանգության համար աշխատողների ջանքերը. Հռոմի պապ          Օդի ջերմաստիճանը կնվազի, սպասվում է անձրև և ամպրոպ       Սիրված ու ճանաչված երգիչ Հայկոն ծայրահեղ ծանր ախտորոշմամբ տեղափոխվել է հիվանդանոց    

08 մայիս 2018 14:40

Լինելու ենք ընդդիմություն, որի քայլերը միտված են լինելու Հայաստանի հզորամանը. Շարմազանով

«Ես ինքս էլ դեմ եմ քվեարկել, և առհասարակ մեր հավաքական կարծիքը Փաշինյանի քաղաքական լիդերության, վարչապետության վերաբերյալ չենք փոխել, բայց կան իրողություններ, մենք չենք կարող հաշվի չնստել իրողությունների հետ»,-այսօր Ազգային ժողովում վարչապետի պաշտոնում Նիկոլ Փաշինյանի ընտրվելուց հետո լրագրողների հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը:
Նա նշեց, որ քաղաքական ուժը, որ իրեն համարում է պետական գաղափարախոսության կրող, վերմակն իր վրա գցելով չպիտի առաջնորդվի:
«Երբեմն պետք է գնաս զիջումների՝ հասկանալով, որ դա է այս պահին իրական ճանապարհը»,-հավելեց նա:
 Հարցին, թե մեծամասնությունը ՀՀԿ-ն պահպանելու է, նա արձագանքեց. «Ինչ-որ մեկը կասկածո՞ւմ է»:
Նա հավելեց, որ ՀՀԿ-ն ամեն ինչ անում է սկզբունքով, որևէ մեկի ճնշման տակ չի առաջնորդվում, ոչ էլ սուրճի բաժակ նայելով, հետևաբար չի կարող ասել, թե ինչպես կքվեարկեն կառավարության ծրագրին:
«Երբ կներկայացվի կառավարության ծրագիրը, այդ ժամանակ էլ կասենք»,-ասաց նա:
Հարցին, թե ինչպիսի ընդդիմություն են լինելու, նա պատասխանեց. «Ընդդիմություն, որի քայլերը միտված են լինելու Հայաստանի հզորամանը»:

Մեկնաբանություններ

Համընկնող լուրեր