17:18 - Տեսանյութ. Մալախովն իր կնոջ հետ լոգարանում ամբողջովին մերկ տեսանյութով պատասխանել է Քսենիա Սոբչակին         17:00 - Հանգուցյալ բժշկի տանը հայտնաբերվել են չծնված 2200 երեխաների մնացորդներ      16:24 - Ես վերադառնում եմ, որովհետև տեսնում եմ, թե երբեմն որքան անխնա եմ վարվում իմ թողած ժառանգության հետ. Հովհաննես Ազոյան    

19 հուլ 2018 17:57

ԱՄՆ դեսպանի վերջնագիրը Հայաստանի կառավարությանը

«Լիդիան Արմենիայի» ընկերության գործունեության հետ կապված խնդիրը բավական լուրջ երանգներ է ստանում: Մի քանի շաբաթ է  հարյուրավոր բնապահպաններ փակել են ընկերության կողմից շահագործման նախապատրաստվող Ամուլսարի ոսկու հանք տանող ճանապարը և ընկերության աշխատանքները պարալիզացվել են: Բնապահպանները և հանքի շրջակա բնակավայրերի բնակիչները հայտարարում են, որ այդ հանքի շահագործումը անդառնալի վնասներ կհասցնի բնությանը և այդ տարածքում ապրելը կդառնա վտանգավոր: «Լիդիան Արմենիայի» ընկերությունը պնդում է հակառակը և հայտարարում է, որ իրենց կողմից ձեռնարկվել են բոլոր քայլերը, որպեսզի հանքի շահագործումը լինի անվտանգ:
Ամուլսարի խնդրով մտահոգ է նաև ՀՀ կառավարությունը: Վարչապետ Նիկոլ Փաշինյանը անձամբ է եղել Ջերմուկ քաղաքում և տեսել, թե ինչ աշխատանքներ են իրականացվել, լսել է հանքի շահագործման դեմ պայքարող քաղաքացիների տեսակետը:  Վարչապետ Նիկոլ Փաշինյանը հայտնվել է ծանր իրավիճակում: Այս պահին չկա մի այնպիսի որոշում, որը կբավարարի երկու կողմին էլ: Ջերմուկում տեղի ունեցած քննարկման ժամանակ վարչապետը խնդրի կապակցությամբ ասել էր. «Եթե մենք հիմա գտնվեինք գործընթացի նախնական փուլում, իմ կարծիքը կլիներ ուղղակի քաղաքական որոշում` պետք չէ Ջերմուկի մոտ որևէ հանք ունենալ,  բայց մենք դե յուրե ունենք իրավիճակ, երբ հանքի շահագործման համար աշխատանքների 80 տոկոսն արդեն արված է: Սա իրավիճակ է, որի հետ պետք է հաշվի նստենք, և ցանկացած որոշում պետք է կայացված լինի փաստերի հիման վրա»:
«Լիդիան Արմենիայի»-ն միջազգային խոշոր կազմակերպություն է և կառավարությունը չի կարող որոշում կայացնել ու հանգիստ կասեցնել նրա գործունեությունը Հայաստանում: Ընկերության գործունեության հարկադրաբար դադարեցման դեպքում Հայաստան որևէ խոշոր միջազգային ներդրող չի գա: Փաշինյանը չի կարող անտեսել նաև բողոքի ակցիայի դուրս եկած երիտասարդներին: Նրանք էլ ապագայի համար են պայքարում և չեն ցանկանում ապրել մի միջավայրում, որտեղ մարդու առաջողության համար մեծ վտանգներ կան:
«Լիդիան Արմենիա» ընկերության խնդիրն արդեն իսկ դուրս է եկել Հայաստանի սահմաններից և հիմա ստեղծվել է վտանգավոր իրավիճակ՝ Հայաստանի տնտեսության համար: ԱՄՆ դեսպան Ռիչարդ Միլսն է երեկ խոսել խնդրի մասին և անուղղակի կերպով վերջնագիր  ներկայացրել կառավարությանը: Խոսելով Հայաստան եկող հնարավոր ներդրումների մասին, ԱՄՆ դեսպանը հայտարարել է. «Ներդրողները հետեւում են «Լիդիան Արմենիայի» շուրջ տեղի ունեցող գործընթացների ընթացքին: Կառավարության հանձնառությունները, գործողությունները ինձ վստահություն են ներշնչում, եւ ես ապագա ամերիկյան ներդրումների մասով վստահ եմ»։
ԱՄՆ դեսպանը հասկացնում է ՀՀ կառավարությանը, որ եթե ներդրումներ եք ուզում, ապա լուծեք  «Լիդիան Արմենիայի»-ի խնդիրը, իսկ եթե չկա այդքան կամք այն լուծելու, ապա դեռ վաղ է խոսել մեծ ներդրումների մասին:
Աղբյուր՝ politik.am

Մեկնաբանություններ

Համընկնող լուրեր