10:02 - Ես քաղաքական նման գործընթացի չեմ ցանկանում մասնակցել.բոլորին հանում են, անվանում հանցագործներ.«168 ժամ»         17:40 - Սերժի կոշիկները հագովդ չեն՝ ոտքերդ սեղմում են, էդ կոշիկներով երկար ճանապարհ չես գնա      17:15 - Կինը մասնատել է հարևանին ու երթուղային տաքսիով մաս-մաս տեղափոխել տարբեր վայրեր    

20 հուլ 2018 16:00

Սերժ Սարգսյանն ունի 107 միլիոնի փոխառություններ

Սերժ Սարգսյանը 2018 թվականի մայիսի 2-ին բարձրաստիճան պաշտոնատար անձանց էթիկայի հանձնաժողով է ներկայացրել պաշտոնը դադարեցնելուց հետո իր գույքի եւ եկամուտների հայտարարագիրը:
Որպես անշարժ գույք Սարգսյանը հայտարարագրել է բնակարան` բազմաբնակարան շենքում: Որպես շարժական գույք Սերժ Սարգսյանը հայտարարագրել է «MITSUBISHI MONTERO-SPORT 3.5 I» մոդելի ավտոմեքենա:
Պաշտոնը դադարեցնելու օրվա դրությամբ Սարգսյանը ունեցել է 107 մլն 998 հազար 657 դրամի հանձնած փոխառություններ: Պաշտոնը դադարեցնելու օրվա դրությամբ Սարգսյանը ունեցել է 8 միլիոն դրամը գերազանցող գույք` 3 տեսակի, հնաոճ իրեր, կտավների հավաքածու եւ ժամանակակից նկարիչների կտավներ:
Սերժ Սարգսյանի դրամական միջոցները պաշտոնը դադարեցնելու օրվա դրությամբ կազմել են 25 մլն 200 հազար դրամ:
2018 թվականի հունվարի 1-ից մինչ պաշտոնը դադարեցնելու օրը Սարգսյանի եկամուտները կազմել են 19 մլն 871 հազար 282 դրամ, որից 3 մլն 712 հազար 194 դրամը գոյացել է տրված փոխառությունների դիմաց ստացված տոկոսներից, 15 մլն 470 հազար 10 դրամը գոյացել է աշխատավարձից, իսկ 689 հազար 78 դրամը գոյացել է մեկ այլ աշխատավարձից:


Մեկնաբանություններ

Համընկնող լուրեր