Քոչարյանն անուններ է տվել. պետք է պատժվեն նաև նրանք

Քոչարյանը նաև հիշատակել է Ազգային Ժողովի պատգամավորներին` նշելով, որ արտակարգ դրությունը հենց ԱԺ քվեարկությամբ է կայնքի կոչվել:

Փաստորեն Ռոբերտ Քոչարյանը հասկանալով իր օրհասական վիճակը և իրավիճակի հնարավոր զարգացումները հայտարարում է, որ մինչ իրեն հասնելը պետք է պատժվեն ԿԸՀ անդամները և ԱԺ պատգամավորները, որոնք կողմ են քվեարկել արտակարգ դրություն հայտարարելու նախագծին:

Նա նշել է, որ Լևոն Տեր-Պետրոսյանը 2008-ի նախագահական ընտրություններից դեռ երկու շաբաթ առաջ էր հայտարարում, որ ընտրվել է.
«Ես՝ իբրև գործող նախագահ, սահմանադրական կարգի կրողն էի, երաշխավորողը և ես ինքս ինձ տապալե՞լ եմ ինչ-որ տարօրինակ ձևով, և այդ տապալմանը մասնակցել է բանակի վերնախավը: Սահմանադրական կարգի նկատմամբ ոտնձգությունն արվել է հենց ընդդիմության կողմից, Լևոն Տեր-Պետրոսյանի կողմից: Իրենք են չընտրված 21.5 տոկոսով հայտարարել, որ արդեն ընտրվել են և պետք է կազմալուծեն պետական համակարգը:
Թե սահմանադրական ի՞նչ կարգ ենք մենք տապալել… ուղղակի մարդ հիվանդ երևակայություն պետք է ունենա, որ ենթադրի, որ սա հնարավոր մի բան է: Իրավական սյուրռեալիզմի տպավորություն է թողնում այս ամենը»,- ասել է Քոչարյանը։