22:05 - Աշխատանքի առաջարկ Hayacq.com կայքում         22:00 - Վենետիկի հանձնաժողովում քննարկվել են ՀՀ Ընտրական օրենսգրքի փոփոխությունները. հանձնաժողովը չի խոչընդոտելու ՀՀ կայուն զարգացման գործընթացին      21:45 - Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք. ՀՔԾ    

10 օգոս 2018 14:07

Նոր քրեական գործ ՝ Լևոն Սարգսյանի դեմ. Այվազովսկու «Նավը ծովում» կտավը 2011-ին գողացվել էր

Նոր քրեական գործ ՝  Լևոն Սարգսյանի դեմ. Այվազովսկու «Նավը ծովում» կտավը 2011-ին գողացվել էրՍերժ Սարգսյանի եղբոր՝ Լևոն Սարգսյանի հետ փոխկապակցված «Փյունիկ» հիմնադրամը շարունակում է մնալ իրավապահների ուշադրության կենտրոնում։ ՍիվիլՆեթի ձեռքի տակ հայտնված տվյալների համաձայն՝ հիմնադրամի նկատմամբ նոր քրեական գործ է հարուցվել հանցավոր ճանապարհով առանձնապես խոշոր չափի գույք ձեռք բերելու և իրացնելու հատկանիշներով։
Խոսքը 2017-ին «Փյունիկ» հիմնադրամի կողմից Սերժ Սարգսյանին նվիրաբերված Հովհաննես Այվազովսկու «Նավը ծովում» կտավի մասին է, որին անդրադարձել էր «Հայկական ժամանակ» օրաթերթը։ «Փյունիկ» հիմնադրամը հաղորդագրություն էր տարածել Սերժ Սարգսյանի հետ հանդիպման և նրան կտավ նվիրելու մասին, ապա ստիպված էր եղել ջնջել այն։
Նշված կտավը 2011-ին գողացվել էր ռուս գործարար Ալեքսանդր Տարանցևի առանձնատնից։ «Փյունիկն» իր հաղորդագրության մեջ նշել էր, եր «երկրի նախագահը արժեքավոր նվերը հանձնել է Հայաստանի պատմության թանգարանին»։ Ավելի ուշ պարզվել էր, որ ո՛չ Հայաստանի պատմության թանգարանում, ո՛չ էլ Ազգային պատկերասրահում «Նավը ծովում» կտավ չկա։
Քննչական կոմիտեում քննվող գործում ևս նշվում է 2011-ին «Ռուսկոյե Զոլոտո» կորպորացիայի տնօրեն Ալեքսանդր Տարանցևի բնակարանից նշված կտավի գողության փաստը։ Ընթանում է նախաքննություն։
«Փյունիկ» հիմնադրամը երկու ամիս առաջ հայտնվել էր քրեական մեկ այլ գործի կիզակետում։ Պարզվել էր, որ «ՋԼՋ պրոյեկտ քոմփանի» ՍՊԸ-ն, որի խոշոր բաժնետերերից է նաև «Փյունիկ» հիմնադրամը, իրականացնելով բազմաֆունկցիոնալ շենքի կառուցապատում, պետությանը շուրջ 300 միլիոն դրամի վնաս էր հասցրել։
«Փյունիկ» հիմնադրամի հիմնադիր Լևոն Սարգսյանն անցնում է քրեական մեկ այլ գործով, որով նա մեղադրվում է ապօրինի հարստացման համար։ Նրա նկատմամբ հայտարարվել է հետախուզում։

loading...

Մեկնաբանություններ

Համընկնող լուրեր