Հայրը փրկել է երեխային չորս մետր երկարությամբ պիթոնից
Գանայում ֆերմերը հսկայական պիթոնի է սպանել, որը փոքրիկ երեխայի վրա էր հարձակվել։ Այս մասին գրում է Citinewsroom.com կայքը։38-ամյա Էքլու Ավայլի խոսքով՝ իրեն տարօրինակ թվացին դստեր բղավոցները, որի մեկ տարին դեռ չի լրացել։ Նա վազել է դստեր մոտ և տեսել, որ 4 մետր երկարությամբ օձը փորձում է կուլ տալ երեխային։
Տղամարդը փորձել է վռնդել պիթոնին, բայց օձը նրա շուրջ է պարուրվել։ Ֆերմերը կարողացել է բռնել սողունի պարանոցը, դրան պարան անցկացնել և խեղդել։
Դրանից հետո ֆերմերը պիթոնի մարմինը քաղաքային հրապարակ է քարշ տվել և բնակիչներին ցույց տվել։
