Ռուսաստանում ձերբակալել են ահաբեկչության համար կասկածվող Ադրբեջանի քաղաքացու
Մոսկվայի կենտրոնում ոստիկանության աշխատակիցները ձերբակալել են Ադրբեջանի քաղաքացու, որը կասկածվում է հանցագործությունների շարքի, այդ թվում՝ ահաբեկչության համար: Այդ մասին ТАСС-ին տեղեկացրել է իրավապահ մարմիններում աղբյուրը:«Օգոստոսի 29-ին փաստաթղթեր ստուգելու ընթացքում մայրաքաղաքի ոստիկանության գլխավոր վարչության շենքի դիմաց՝ Պետրովկա փողոց, շենք 38 հասցեում, ձերբակալվել է 1964 թվականին ծնված Օրուջև Էլդար Զուբեիր Օղլին: Պարզվել է, որ այդ երկրի իշխանությունները որոնում են նրան հանցագործությունների մի ամբողջ շարքի մեղադրանքով», — ասել է գործակալության զրուցակիցը:
Նրա խոսքով՝ ձերբակալվածը ներգրավված է համարվում ահաբեկչության, զենքի ապօրինի վաճառքի, սպանության, առողջությանը ծանր վնաս հասցնելու, կողոպուտի և իշխանության բռնագրավման փորձի մեջ:
